ਪੰਜਾਬ
ਪੰਜਾਬ ਦਾ ਕਰਜ਼ਾ

ਮਨਪ੍ਰੀਤ ਬਾਦਲ ਦਾ ਕਹਿਣਾ ਹੈ ਕਿ ਪੰਜਾਬ ਸਿਰ ਕਰਜ਼ੇ ਦਾ ਬੋਝ ਵਧ ਕੇ ਦੋ ਲੱਖ ਕਰੋੜ ਰੁਪਏ ਹੋ ਗਿਆ ਹੈ। ਲੋਕਾਂ ਨੂੰ ਸੂਬੇ ਦੀ ਖਸਤਾ ਮਾਲੀ ਹਾਲਤ ਤੋਂ ਜਾਣੂ ਕਰਾਉਣ ਲਈ ਸਰਕਾਰ ਵ੍ਹਾਈਟ ਪੇਪਰ ਲਿਆਵੇਗੀ।ਇਸ ਦੇ ਨਾਲ ਹੀ ਪੰਜਾਬ ਦੀ ਆਰਥਿਕ ਹਾਲਤ ਸੁਧਾਰਨ ਲਈ ਕਦਮ ਚੁੱਕੇ ਜਾਣਗੇ।ਉਨ੍ਹਾ ਕਿਹਾ ਕਿ ਪਿਛਲੀ ਅਕਾਲੀ-ਭਾਜਪਾ ਗੱਠਜੋੜ ਸਰਕਾਰ ਨੇ ਸੂਬੇ ਦੇ ਮਾਲੀ ਸੋਮਿਆਂ ਨੂੰ ਲੁੱਟਣ 'ਚ ਅੰਗਰੇਜ਼ਾਂ ਤੇ ਮੁਗਲਾਂ ਨੂੰ ਵੀ ਮਾਤ ਪਾ ਦਿੱਤੀ।
ਉਹਨਾ ਦਾਅਵਾ ਕੀਤਾ ਕਿ ਅਨਾਜ ਦੀ ਖਰੀਦ ਵਿੱਚ ਹੋਈਆਂ ਬੇਨਿਯਮੀਆਂ ਕਾਰਨ ਸੂਬੇ ਸਿਰ 31,000 ਕਰੋੜ ਰੁਪਏ ਦਾ ਕਰਜ਼ਾ ਚੜ੍ਹਿਆ ਹੈ।ਪਾਵਰਕਾਮ ਦਾ 20 ਹਜ਼ਾਰ ਕਰੋੜ ਰੁਪਏ ਕਰਜ਼ਾ ਹੈ।
ਮੰਡੀ ਬੋਰਡ ਤੇ ਪੀ ਆਈ ਡੀ ਬੀ ਦਾ 300 ਤੋਂ 400 ਕਰੋੜ ਦਾ ਕਰਜ਼ਾ ਹੈ।ਸੂਬੇ ਦਾ ਮਾਲੀ ਘਾਟਾ ਅੱਠ ਹਜ਼ਾਰ ਕਰੋੜ ਰੁਪਏ ਹੈ।ਰਾਜ ਸਰਕਾਰ ਦੀ ਉਧਾਰ ਲੈਣ ਦੀ ਹੱਦ ਤੇਰਾਂ ਹਜ਼ਾਰ ਕਰੋੜ ਰੁਪਏ ਹੈ।

ਸਬਜ਼ੀ ਦੀ ਮੰਦੀ ਝੱਲ ਰਹੇ ਕਿਸਾਨਾਂ ਦੀ ਹੁਣ ਕਣਕ ਦੀ ਫ਼ਸਲ ਤੇ ਬੱਝੀ ਆਸ !

ਜੰਡਿਆਲਾ ਗੁਰੂ 13 ਫ਼ਰਵਰੀ (ਕੁਲਜੀਤ ਸਿੰਘ ) : ਨੋਟਬੰਦੀ ਦੇ ਕਾਰਣ ਇਸ ਵਾਰ ਕਿਸਾਨਾਂ ਦੀ ਹਾਲਤ ਬਹੁਤ ਪਤਲੀ ਹੋ ਗਈ ਹੈ ਕਿਓਂਕਿ ਸਰਦੀਆਂ ਦੇ ਮੌਸਮ ਵਾਲੀਆਂ ਸਬਜ਼ੀਆਂ ਜਿਵੇਂ ਮਟਰ ,ਗੋਭੀ ,ਆਲੂ ਅਤੇ ਹੋਰ ਬਹੁਤ ਸਾਰੀਆਂ ਸਬਜ਼ੀਆਂ ਹਨ।ਮਟਰ ਇਸ ਵਾਰ 4 ਰੁਪਏ ਕਿਲੋ ਤੱਕ ਵਿੱਕ ਗਏ ।ਇਸ ਭਾਅ ਵਿਕਣ ਨਾਲ ਕਿਸਾਨਾਂ ਦਾ ਲਾਗਤ ਮੁੱਲ ਵੀ ਪੂਰਾ ਨਹੀਂ ਹੋ ਸਕਿਆ ।ਪੱਤਰਕਾਰ ਨਾਲ ਜੰਡਿਆਲਾ ਗੁਰੂ ਦੇ ਆਸਪਾਸ ਪੈਂਦੇ ਪਿੰਡਾਂ ਦੇ ਕਿਸਾਨਾਂ ਨਾਲ।ਸੰਪਰਕ ਕੀਤਾ ਗਿਆ ਤਾਂ ਉਹਨਾਂ ਆਖਿਆ ਕਿ ਇਸ ਘਾਟੇ ਨਾਲ ਉਨ੍ਹਾਂ ਉੱਪਰ ਹੋਰ ਕਰਜ਼ੇ ਦਾ ਬੋਝ ਵੱਧ ਗਿਆ ਹੈ।ਕਈ ਜਗ੍ਹਾ ਤਾ ਕਿਸਾਨਾਂ ਨੇ ਮਜਬੂਰਨ ਮਟਰਾਂ ਦੀ ਫਸਲ ਤੇ ਹੱਲ ਚਲਾਉਣਾ ਪਿਆ।ਕਿਸਾਨਾਂ ਨੇ ਆਖਿਆ ਕਿ ਹੁਣ ਉਹਨਾਂ ਦੀ ਕਣਕ ਦੀ ਫਸਲ ਤੇ ਆਸ ਬੱਝੀ ਹੈ ਤਾ ਜੋ ਕੇਂਦਰ ਸਰਕਾਰ ਉਨ੍ਹਾਂ ਨੂੰ ਫ਼ਸਲ ਦਾ ਸਮਰਥਨ ਮੁੱਲ ਵਧਾ ਕੇ ਕੁਝ ਰਾਹਤ ਦੇ ਸਕੇ।

`ਲਾਲ ਲਕੀਰ` ਤੋਂ ਮੁੱਕਤ ਹੋਏ ਲੋਕ ਲੋਜਪਾ ਦਾ ਵੱਡਾ ਵੋਟ ਬੈਂਕ- ਗਹਿਰੀ


 

 

ਨਥਾਣਾ ਪਰਮਿੰਦਰ ਸਿੱਧੂ : ਹਲਕਾ ਭੁੱਚੋ ਤੋਂ ਲੋਕ ਜਨਸ਼ਕਤੀ ਪਾਰਟੀ ਦੇ ਉਮੀਦਵਾਰ ਕਿਰਨਜੀਤ ਸਿੰਘ ਗਹਿਰੀ ਵੱਲੋਂ ਅੱਜ ਪਿੰਡ ਬੁਰਜਡੱਲਾ, ਮਾੜੀ, ਨਾਥਪੁਰਾ, ਨਥਾਣਾ, ਢੇਲਵਾਂ, ਭੈਣੀ, ਗੰਗਾ, ਵਿਖੇ ਚੋਣ ਪ੍ਰਚਾਰ ਕੀਤਾ ਗਿਆ।ਇੰਨਾ ਪਿੰਡਾਂ ਵਿੱਚ ਹੋਏ ਭਰਵੇਂ ਇਕੱਠਾਂ ਨੂੰ ਸਬੋਧਨ ਕਰਦੇ ਗਹਿਰੀ ਨੇ ਕਿਹਾ ਕਿ ਉਨਾਂ 'ਲਾਲ ਲਕੀਰ' ਖਤਮ ਕਰਵਾਕੇ ਲੋਕਾਂ ਨੂੰ ਦੇਸ਼ ਦੀ ਅਜਾਦੀ ਤੋਂ ਬਾਅਦ ਇਹ ਦੂਸਰੀ ਅਜਾਦੀ ਦਿਵਾਈ ਹੈ ਅਤੇ ਇਸ 'ਲਾਲ ਲਕੀਰ' ਤੋਂ ਛੁਟਕਾਰਾ ਪਾ ਕੇ ਆਪਣੇ ਘਰਾਂ ਦੇ ਅਸਲੀ ਮਾਲਿਕ ਬਨਣ ਵਾਲੇ ਇਹ ਲੋਕ ਹੀ ਉਨਾਂ ਦਾ ਅਤੇ ਲੋਕ ਜਨਸ਼ਕਤੀ ਪਾਰਟੀ ਦਾ ਮਜਬੂਤ ਵੋਟ ਬੈਂਕ ਹਨ। ਗਹਿਰੀ ਨੇ ਲੋਕਾਂ ਨੂੰ ਕਿਹਾ ਕਿ ਉਹ ਅਕਾਲੀ-ਭਾਜਪਾ, ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਦੇ ਵੋਟਾਂ ਮੰਗਣ ਲਈ ਆ ਰਹੇ ਉਮੀਦਵਾਰਾਂ ਤੋਂ ਪੁੱਛਣ ਕਿ ਉਨਾ ਉਮੀਦਵਾਰਾਂ ਜਾਂ ਉਨਾ ਦੀਆਂ ਪਾਰਟੀਆਂ ਨੇ ਲਾਲ ਲਕੀਰ ਖਤਮ ਕਰਵਾਉਣ ਲਈ ਕਦੇ ਆਵਾਜ ਉਠਾਈ ਹੈ। ਗਹਿਰੀ ਨੇ ਕਿਹਾ ਕਿ ਉਹ ਗਰੀਬ ਲੋਕਾਂ ਨੂੰ ਇਨਸਾਫ ਦਿਵਾਉਣ ਦੀ ਲੜੀ ਗਈ ਲੜਾਈ ਦੇ ਅਧਾਰ ਤੇ ਵੋਟਾਂ ਦੀ ਮੰਗ ਕਰਦੇ ਹਨ ਕਿ ਆਉਣ ਵਾਲੀ 4 ਫਰਵਰੀ ਨੂੰ ‘ਬੈਟਰੀ’ ਚੋਣ ਨਿਸ਼ਾਨ ਦਾ ਬਟਨ ਦਬਾਅ ਕੇ ਉਨਾ ਦਾ ਸਾਥ ਦੇਣਤੇ ਉਨਾ ਨੂੰ ਲੋਕਾਂ ਦਾ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ।ਇਸ ਮੌਕੇ ਗਹਿਰੀ ਦੇ ਚੋਣ ਪ੍ਰਚਾਰ ਲਈ ਦਿੱਲੀ ਤੋਂ ਵਿਸ਼ੇਸ ਤੌਰ ਤੇ ਪੁੱਜੇ ਲੋਜਪਾ ਦੇ ਕੌਮੀ ਜਨਰਲ ਸਕੱਤਰ ਗਿਆਨ ਚੰਦ ਗੌਤਮ ਨੇ ਕਿਹਾ ਕਿ ਗਹਿਰੀ ਵੱਲੋਂ ਬੇਇਨਸਾਫੀ ਅਤੇ ਧੱਕੇਸ਼ਾਹੀ ਖਿਲਾਫ ਕੀਤੇ ਸੰਘਰਸ਼ ਵਿੱਚ ਲੋਜਪਾ ਦੀ ਕੌਮੀ ਲੀਡਰਸ਼ਿਪ ਪੂਰੀ ਤਰਾਂ ਗਹਿਰੀ ਦੇ ਨਾਲ ਚੱਟਾਨ ਵਾਂਗ ਖੜੀ ਹੈ। ਇਸ ਦੌਰਾਨ ਗਹਿਰੀ ਦੇ ਚੋਣ ਪ੍ਰਚਾਰ ਨਾਲ ਚੱਲ ਰਹੇ ਢਾਡੀ ਮਿਲਖਾ ਸਿੰਘ ਮੁਸਾਫਿਰ ਦੇ ਢਾਡੀ ਜਥੇ ਵੱਲੋਂ ਸਿੱਖ ਇਤਹਾਸ ਵੀ ਸੰਗਤਾਂ ਨਾਲ ਸਾਂਝਾ ਕੀਤਾ ਗਿਆ।ਇਸ ਮੌਕੇ ਗਹਿਰੀ ਨਾਲ ਦੁਲਾ ਸਿੰਘ ਸਿੱਧੂ, ਸੁਖਦੇਵ ਸਿੰਘ ਐਨਐਫਐਲ, ਮੋਦਨ ਸਿੰਘ ਪੰਚ ਗੋਬਿੰਦਪੁਰਾ, ਜੋਗਿੰਦਰ ਸਿੰਘ ਭੈਣੀ, ਨੱਥੂ ਸਿੰਘ ਨਾਥਪੁਰਾ, ਅਮ੍ਰਿਤਪਾਲ ਸਿੰਘ ਤੇ ਬਿੱਲੂ ਸਿੰਘ ਮੈਂਬਰ ਢੇਲਵਾਂ, ਰਾਜਵਿੰਦਰ ਸਿੰਘ ਬੱਜੋਆਣਾ, ਸਾਬਕਾ ਸਰਪੰਚ ਹਰਦੇਵ ਸਿੰਘ ਬੁਰਜਡੱਲਾ, ਗੁਰਤੇਜ ਸਿੰਘ ਗੰਗਾ, ਗੁਰਦੀਪ ਸਿੰਘ ਬੱਜੋਆਣਾ, ਜੋਧਾ ਸਿੰਘ ਗੋਬਿੰਦਪੁਰਾ ਆਦਿ ਮੌਜੂਦ ਸਨ।
 

ਜੇਕਰ ਲੋਕ ਕਹਿਣਗੇ ਤਾਂ ਖੇਮਕਰਨ ਤੋਂ ਅਜਾਦ ਚੋਣ ਜਰੂਰ ਲੜਾਗਾਂ:-ਸਰਵਨ ਸਿੰਘ ਧੁੰਨ

ਭਿੱਖੀਵਿੰਡ 23 ਦਸੰਬਰ (ਹਰਜਿੰਦਰ ਸਿੰਘ ਗੋਲ੍ਹਣ)-ਵਿਧਾਨ ਸਭਾ ਹਲਕਾ ਖੇਮਕਰਨ ਦੇ ਸਮੂਹ ਲੋਕਾਂ ਨੇ ਜੋ ਮੈਨੂੰ ਪਿਆਰ ਦਿੱਤਾ ਹੈ, ਉਸ ਵਾਸਤੇ ਮੈਂ ਹਲਕਾ ਖੇਮਕਰਨ ਦੇ ਲੋਕਾਂ ਦਾ ਸਦਾ ਰਿਣੀ ਰਹਾਂਗਾ। ਇਹਨਾਂ ਸ਼ਬਦਾ ਦਾ ਪ੍ਰਗਟਾਵਾ ਕਾਂਗਰਸ ਦੇ ਸੂਬਾ ਕਾਰਜਕਾਰੀ ਮੈਂਬਰ ਸਰਵਨ ਸਿੰਘ ਧੁੰਨ ਨੇ ਪ੍ਰੈਸ ਨਾਲ ਗੱਲਬਾਤ ਕਰਦਿਆਂ ਕੀਤਾ। ਪੰਜਾਬ ਪ੍ਰਦੇਸ਼ ਕਾਂਗਰਸ ਕਮੇਟੀ ਵੱਲੋਂ ਵਿਧਾਨ ਸਭਾ ਹਲਕਾ ਖੇਮਕਰਨ ਤੋਂ ਸੁਖਪਾਲ ਸਿੰਘ ਭੁੱਲਰ ਨੂੰ ਟਿਕਟ ਦੇਣ ਸੰਬੰਧੀ ਸਰਵਨ ਸਿੰਘ ਧੁੰਨ ਨੇ ਕਿਹਾ ਕਿ ਇਸ ਸੰਬੰਧੀ ਉਹ ਹਲਕਾ ਖੇਮਕਰਨ ਦੇ ਲੋਕਾਂ ਨਾਲ ਸਲਾਹ-ਮਸ਼ਵਰਾ ਕਰਕੇ ਅਗਲੀ ਰਣਨੀਤੀ ਤੈਅ ਕਰਨਗੇ ਅਤੇ ਜੇਕਰ ਲੋਕ ਕਹਿਣਗੇ ਤਾਂ ਉਹ ਹਲਕਾ ਖੇਮਕਰਨ ਤੋਂ ਜਰੂਰ ਚੋਣ ਲੜਨਗੇ। ਸਰਵਨ ਸਿੰਘ ਧੁੰਨ ਨੇ ਆਖਿਆ ਕਿ ਹਲਕਾ ਖੇਮਕਰਨ ਦੇ ਲੋਕਾਂ ਦੇ ਉਹ ਕਰਜਦਾਰ ਹਨ, ਕਿਉਕਿ ਲੋਕਾਂ ਨੇ ਉਹਨਾਂ ਨੂੰ ਬਹੁਤ ਜਿਆਦਾ ਪਿਆਰ ਤੇ ਸਤਿਕਾਰ ਦਿੱਤਾ ਹੈ, ਜਿਸ ਵਾਸਤੇ ਉਹ ਸਦਾ ਰਿਣੀ ਰਹਿਣਗੇ।
 

2000 ਦਾ ਨਵਾਂ ਨੋਟ ਲੈ ਕੇ ਨੌਜਵਾਨ ਨੂੰ ਚੜਿਆ ਚਾਅ


ਸਰਕਾਰੀ ਬੈਂਕ ਵਿਚੋਂ ਸਭ ਤੋਂ ਪਹਿਲਾਂ 2000 ਦਾ ਨੋਟ ਲੈ ਕੇ ਬਾਹਰ ਆਏ ਇਕ ਨੌਜਵਾਨ ਨੇ ਬੜੀ ਖੁਸ਼ੀ ਵਿਚ ਬੈਂਕ ਤੋਂ ਬਾਹਰ ਆਇਆ। ਉਸਨੇ ਲਾਈਨ ਵਿਚ ਖੜੇ ਹੋਰ ਲੋਕਾਂ ਨੂੰ ਵੀ ਦੋ ਹਜ਼ਾਰ ਦਾ ਨੋਟ ਦਿਖਾਇਆ ਅਤੇ ਦੱਸਿਆ ਕਿ ਬੜੀ ਮੁਸ਼ਕਲ ਨਾਲ ਬੈਂਕ ਦੇ ਅੰਦਰ ਕਰੰਸੀ ਐਕਸਚੇਂਜ ਹੋ ਰਹੀ ਹੈ।

ਐਸ.ਵਾਈ.ਐਲ `ਤੇ ਪੱਖ ਸਪੱਸ਼ਟ ਕਰਨ ਕੇਜਰੀਵਾਲ: ਕੈਪਟਨ ਅਮਰਿੰਦਰ

ਚੰਡੀਗੜ੍ਹ, 10 ਨਵੰਬਰ: ਪੰਜਾਬ ਕਾਂਗਰਸ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਵੀਰਵਾਰ ਨੂੰ ਆਪ ਆਗੂ ਅਰਵਿੰਦ ਕੇਜਰੀਵਾਲ ਨੂੰ ਐਸ.ਵਾਈ.ਐਲ ਦੇ ਮੁੱਦੇ 'ਤੇ ਸੁਪਰੀਮ ਕੋਰਟ ਦੇ ਫੈਸਲੇ ਬਾਰੇ ਆਪਣਾ ਪੱਖ ਸਪੱਸ਼ਟ ਕਰਨ ਲਈ ਕਿਹਾ ਹੈ।
ਇਥੇ ਮੀਡੀਆ ਨੂੰ ਸੰਬੋਧਨ ਕਰਦਿਆਂ ਕੈਪਟਨ ਅਮਰਿੰਦਰ ਨੇ ਜਾਣਨਾ ਚਾਹਿਆ ਹੈ ਕਿ ਕੀ ਕੇਜਰੀਵਾਲ ਪੰਜਾਬ ਦੇ ਪਾਣੀ ਨੂੰ ਹਰਿਆਣਾ ਤੇ ਦਿੱਲੀ ਨੂੰ ਭੇਜਣ ਦੀ ਇਜ਼ਾਜਤ ਦੇਣਗੇ ਜਾਂ ਫਿਰ ਇਸ ਅਹਿਮ ਘੜੀ 'ਚ ਪੰਜਾਬ ਦੇ ਲੋਕਾਂ ਨਾਲ ਖੜ੍ਹਨਗੇ।
ਕੈਪਟਨ ਅਮਰਿੰਦਰ ਨੇ ਕੇਜਰੀਵਾਲ ਨੂੰ ਕਿਹਾ ਕਿ ਪੰਜਾਬ ਦੇ ਲੋਕ ਤੁਹਾਡੇ ਤੋਂ ਜਵਾਬ ਚਾਹੁੰਦੇ ਹਨ। ਜਿਨ੍ਹਾਂ ਨੇ ਕੇਜਰੀਵਾਲ ਨੂੰ ਮਾਮਲੇ 'ਤੇ ਸਪੱਸ਼ਟੀਕਰਨ ਦੇਣ ਅਤੇ ਆਪਣੇ ਵਿਸ਼ੇਸ਼ ਸਿਆਸੀ ਹਿੱਤਾਂ ਨੂੰ ਪ੍ਰਮੋਟ ਕਰਨ ਲਈ ਗੇਮ ਖੇਡਣੀ ਬੰਦ ਕਰਨ ਲਈ ਕਿਹਾ ਹੈ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਇਸ ਸੱਚਾਈ ਦੇ ਮੱਦੇਨਜ਼ਰ ਕਿ ਕੇਜਰੀਵਾਲ ਹਰਿਆਣਾ ਨਾਲ ਸਬੰਧਤ ਹਨ ਤੇ ਦਿੱਲੀ ਦੇ ਮੁੱਖ ਮੰਤਰੀ ਹਨ, ਉਹ ਕਦੇ ਵੀ ਐਸ.ਵਾਈ.ਐਲ ਦੇ ਮੁੱਦੇ 'ਤੇ ਪੰਜਾਬ ਦਾ ਪੱਖ ਨਹੀਂ ਲੈਣਗੇ। ਜਿਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਅਸਲਿਅਤ 'ਚ ਕੇਜਰੀਵਾਲ ਸਰਕਾਰ ਨੇ ਉਕਤ ਮੁੱਦੇ 'ਤੇ ਹਰਿਆਣਾ ਦਾ ਸਮਰਥਨ ਕਰਦਿਆਂ ਸੁਪਰੀਮ ਕੋਰਟ 'ਚ ਹਲਫੀਆ ਬਿਆਨ ਦਿੱਤਾ ਸੀ। ਲੇਕਿਨ ਪੰਜਾਬ ਚੋਣਾਂ 'ਤੇ ਅੱਖ ਰੱਖੀ ਬੈਠੇ ਕੇਜਰੀਵਾਲ ਕਿਸੇ ਵੀ ਕੀਮਤ 'ਤੇ ਇਸਨੂੰ ਜਿੱਤਣਾ ਚਾਹੁੰਦੇ ਹਨ ਅਤੇ ਬਾਅਦ 'ਚ ਉਨ੍ਹਾਂ ਦੀ ਦਿੱਲੀ ਸਰਕਾਰ ਨੇ ਆਪਣਾ ਪੱਖ ਵਾਪਿਸ ਲੈਂਦਿਆਂ ਕਿਹਾ ਕਿ ਦਾਇਰ ਕੀਤਾ ਗਿਆ ਹਲਫੀਆਨਾਮਾ ਇਕ ਤਕਨੀਕੀ ਗਲਤੀ ਸੀ, ਜਿਨ੍ਹਾਂ ਨੇ ਇਸ ਲਈ ਆਪਣੇ ਵਕੀਲ ਨੂੰ ਵੀ ਹਟਾ ਦਿੱਤਾ।
ਕੈਪਟਨ ਅਮਰਿੰਦਰ ਨੇ ਐਸ.ਵਾਈ.ਐਲ ਦੇ ਮੁੱਦੇ 'ਤੇ ਕੇਜਰੀਵਾਲ ਦੇ ਆਪਸੀ ਵਿਰੋਧੀ ਬਿਆਨਾਂ ਦਾ ਜ਼ਿਕਰ ਕਰਦਿਆਂ ਕਿਹਾ ਕਿ ਪੰਜਾਬ ਦੇ ਲੋਕਾਂ ਪ੍ਰਤੀ ਚਿੰਤਾ ਦੇ ਮੁੱਦੇ 'ਤੇ ਉਨ੍ਹਾਂ ਦਾ ਦੋਗਲਾਪਣ ਇਕ ਵਾਰ ਫਿਰ ਤੋਂ ਸਾਹਮਣੇ ਆ ਗਿਆ ਹੈ। ਐਸ.ਵਾਈ.ਐਲ ਦੇ ਮੁੱਦੇ 'ਤੇ ਦਿੱਲੀ ਦੇ ਮੁੱਖ ਮੰਤਰੀ ਦੀ ਡਰਾਮੇਬਾਜੀ ਪੰਜਾਬ ਦੇ ਹਿੱਤਾਂ ਪ੍ਰਤੀ ਉਨ੍ਹਾਂ 'ਚ ਇਮਾਨਦਾਰੀ ਦੀ ਘਾਟ ਨੂੰ ਦਰਸਾਉਂਦੀ ਹੈ, ਜਿਹੜੇ ਵਿਧਾਨ ਸਭਾ ਚੋਣਾਂ ਨਜ਼ਦੀਕ ਹਣ ਕਾਰਨ ਸਤਲੁਜ ਦੇ ਪਾਣੀ ਦੇ ਮੁੱਦੇ 'ਤੇ ਸੂਬੇ ਦੇ ਦਾਅਵਿਆਂ ਦਾ ਖੁੱਲ੍ਹ ਕੇ ਵਿਰੋਧ ਨਹੀਂ ਕਰ ਪਾ ਰਹੇ ਹਨ।
ਜਿਸ 'ਤੇ ਪੰਜਾਬ ਕਾਂਗਰਸ ਪ੍ਰਧਾਨ ਨੇ ਜ਼ੋਰ ਦਿੰਦਿਆਂ ਕਿਹਾ ਕਿ ਵਕਤ ਆ ਗਿਆ ਹੈ ਕਿ ਕੇਜਰੀਵਾਲ ਮੁੱਦੇ 'ਤੇ ਆਪਣਾ ਪੱਖ ਪੂਰੀ ਤਰ੍ਹਾਂ ਸਪੱਸ਼ਟ ਕਰਨ। ਆਪ ਦੇ ਕੌਮੀ ਕਨਵੀਨਰ ਆਪਣੇ ਗੁੰਮਰਾਹਕੁੰਨ ਬਿਆਨਾਂ ਰਾਹੀਂ ਸੂਬੇ ਦੇ ਲੋਕਾਂ ਨੂੰ ਲਗਾਤਾਰ ਬੇਵਕੂਫ ਨਹੀਂ ਬਣਾ ਸਕਦੇ।
ਜਦਕਿ ਕੋਈ ਵੀ ਪੱਖ ਲੈਣਾ ਕੇਜਰੀਵਾਲ ਦਾ ਵਿਸ਼ੇਸ਼ ਅਧਿਕਾਰ ਹੈ, ਜਿਨ੍ਹਾਂ ਨੂੰ ਧਿਆਨ ਰੱਖਣਾ ਚਾਹੀਦਾ ਹੈ ਕਿ ਗੰਭੀਰ ਮੁੱਦਿਆਂ 'ਤੇ ਲਗਾਤਾਰ ਸਿਆਸਤ ਖੇਡਣ ਦੀ ਕੋਸ਼ਿਸ਼ ਲੋਕ ਸਵੀਕਾਰ ਨਹੀਂ ਕਰਨਗੇ। ਖਾਸ ਕਰਕੇ ਪੰਜਾਬ ਦੇ ਲੋਕ ਉਨ੍ਹਾਂ ਦੀ ਲਾਗਤ 'ਤੇ ਗੰਦੀ ਸਿਆਸਤ ਖੇਡਣ ਸਬੰਧੀ ਕੇਜਰੀਵਾਲ ਦੀਆਂ ਕੋਸ਼ਿਸ਼ਾਂ ਨੂੰ ਦੇਖ ਚੁੱਕੇ ਹਨ।
ਕੈਪਟਨ ਅਮਰਿੰਦਰ ਨੇ ਖੁਲਾਸਾ ਕੀਤਾ ਕਿ ਕੇਜਰੀਵਾਲ ਨੇ ਆਪਣੀ ਪੰਜਾਬ ਫੇਰੀ ਦੌਰਾਨ ਸਪੱਸ਼ਟ ਕੀਤਾ ਸੀ ਕਿ ਐਸ.ਵਾਈ.ਐਲ ਨਹਿਰ ਪੂਰੀ ਨਹੀਂ ਹੋਣੀ ਚਾਹੀਦੀ ਹੈ, ਲੇਕਿਨ ਦਿੱਲੀ ਵਾਪਿਸ ਪਹੁੰਚਣ ਤੋਂ ਬਾਅਦ ਉਨ੍ਹਾਂ ਨੇ ਬੜੀ ਅਸਾਨੀ ਤੇ ਬੇਸ਼ਰਮੀ ਨਾਲ ਆਪਣਾ ਪੱਖ ਬਦਲਦਿਆਂ ਐਲਾਨ ਕੀਤਾ ਸੀ ਕਿ ਪਾਣੀ 'ਤੇ ਕੋਈ ਸਿਆਸਤ ਨਹੀਂ ਹੋਣੀ ਚਾਹੀਦੀ ਹੈ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਐਸ.ਵਾਈ.ਐਲ ਉਪਰ ਪੱਖ ਲੈਣ ਦੇ ਮੁੱਦੇ 'ਤੇ ਕੇਜਰੀਵਾਲ ਨੇ ਨਾ ਸਿਰਫ ਇੱਛਾ ਦੀ ਕਮੀ ਦਿਖਾਈ ਸੀ, ਬਲਕਿ ਪੰਜਾਬ ਦੇ ਲੋਕਾਂ ਲਈ ਜਿੰਦਗੀ ਤੇ ਮੌਤ ਦੇ ਇਸ ਮੁੱਦੇ ਉਨ੍ਹਾਂ ਨੇ ਗੰਦੀ ਸਿਆਸਤ ਕਰਨ ਦੀ ਕੋਸ਼ਿਸ਼ ਕੀਤੀ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਗੰਭੀਰ ਮੁੱਦਿਆਂ 'ਤੇ ਸਿਆਸੀ ਫਾਇਦਾ ਲੈਣ ਖਾਤਿਰ ਝੂਠ ਬੋਲਣਾ ਕੇਜਰੀਵਾਲ ਦੇ ਚਰਿੱਤਰ ਦੀ ਵਿਸ਼ੇਸ਼ਤਾ ਹੈ। ਪੰਜਾਬ ਕਾਂਗਰਸ ਪ੍ਰਧਾਨ ਨੇ ਕਿਹਾ ਕਿ ਆਪ ਆਗੂ ਪੰਜਾਬ ਤੇ ਹਰਿਆਣਾ ਵਿਚਾਲੇ ਦੂਜੇ ਮਹੱਤਵਪੂਰਨ ਮੁੱਦਿਆਂ ਉਪਰ ਵੀ ਆਪਣਾ ਪੱਖ ਸਾਫ ਕਰਨ 'ਚ ਨਾਕਾਮ ਰਹੇ ਹਨ, ਜਿਵੇਂ ਚੰਡੀਗੜ੍ਹ ਤੇ ਪੰਜਾਬੀ ਬੋਲੀ ਵਾਲੇ ਇਲਾਕੇ ਟ੍ਰਾਂਸਫਰ ਕਰਨ ਬਾਰੇ।
ਲੇਕਿਨ ਪੰਜਾਬ ਦੇ ਲੋਕ ਕੇਜਰੀਵਾਲ ਦੀਆਂ ਅਜਿਹੀਆਂ ਹਰਕਤਾਂ ਨੂੰ ਸਹਿਣ ਨਹੀਂ ਕਰਨ ਵਾਲੇ ਅਤੇ ਜਿੰਨਾ ਜ਼ਲਦੀ ਕੇਜਰੀਵਾਲ ਇਹ ਗੱਲ ਸਮਝ ਜਾਣ, ਉਨ੍ਹਾਂ ਵਾਸਤੇ ਵਧੀਆ ਹੈ।

ਨੋਟ ਬੰਦ ਕਰਨ ਦੀ ਪੀ੍ਰਕ੍ਰਿਆ ਨੇ ਗਰੀਬਾਂ `ਤੇ ਸੱਭ ਤੋਂ ਵੱਧ ਬੁਰਾ ਅਸਰ ਪਾਇਆ: ਕੈਪਟਨ ਅਮਰਿੰਦਰ

ਚੰਡੀਗੜ੍ਹ, 9 ਨਵੰਬਰ: ਪੰਜਾਬ ਕਾਂਗਰਸ ਪ੍ਰਧਾਨ ਕੈਪਟਲ ਅਮਰਿੰਦਰ ਸਿੰਘ ਨੇ ਮੋਦੀ ਸਰਕਾਰ ਵੱਲੋਂ ਨੋਟ ਬੰਦ ਕਰਨ ਦੀ ਪ੍ਰੀਕ੍ਰਿਆ ਦੀ ਨਿੰਦਾ ਕੀਤੀ ਹੈ, ਜਿਸਦਾ ਗਰੀਬ ਤਬਕੇ 'ਤੇ ਸੱਭ ਤੋਂ ਵੱਧ ਬੁਰਾ ਅਸਰ ਪਿਆ ਹੈ।

ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਨੇ ਕਿਹਾ ਕਿ ਭਾਵੇਂ ਭ੍ਰਿਸ਼ਟਾਚਾਰ, ਅੱਤਵਾਦ ਨੂੰ ਫੰਡਿੰਗ ਤੇ ਕਾਲਾ ਬਜ਼ਾਰੀ ਨੂੰ ਕਾਬੂ ਪਾਉਣ ਦੀ ਦਿਸ਼ਾ 'ਚ ਇਕ ਸਹੀ ਕਦਮ ਹੈ, ਲੇਕਿਨ ਇਸ ਤੋਂ ਬਾਅਦ ਛੋਟੇ ਕਿਸਾਨਾਂ, ਵਪਾਰੀਆਂ, ਰੋਜ਼ਾਨਾ ਦਿਹਾੜੀਦਾਰਾਂ ਤੇ ਗਰੀਬ ਵਰਗਾਂ ਨੂੰ ਸੱਭ ਤੋਂ ਵੱਧ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਇਨ੍ਹਾਂ 'ਚੋਂ ਕਈ ਲੋਕਾਂ ਦੇ ਬੈਂਕਾਂ 'ਚ ਖਾਤੇ ਵੀ ਨਹੀਂ ਹਨ, ਜਿਹੜੇ ਕਿਵੇਂ ਆਪਣੇ 500 ਤੇ 1000 ਰੁਪਏ ਦੇ ਨੋਟਾਂ ਨੂੰ ਬਦਲਾਉਣ ਦੀ ਉਮੀਦ ਕਰ ਸਕਦੇ ਹਨ। ਮੋਦੀ ਸਰਕਾਰ ਵੱਲੋਂ ਬੁਰੀ ਅਲਾਮਤਾਂ 'ਤੇ ਕਾਬੂ ਪਾਉਣ ਲਈ ਜ਼ਲਦੀ-ਜ਼ਲਦੀ 'ਚ ਚੁੱਕੇ ਗਏ ਕਦਮ ਨਾਲ ਇਨ੍ਹਾਂ ਗਰੀਬ ਲੋਕਾਂ ਦੀ ਸ਼ਾਮਤ ਆ ਗਈ ਹੈ, ਜਿਹੜਾ ਕਦਮ ਵੱਡੀ ਗਿਣਤੀ 'ਚ ਭਾਰਤੀਆਂ ਦੀਆਂ ਸਮੱਸਿਆਵਾਂ ਦਾ ਹੱਲ ਕਰਨ 'ਚ ਨਾਕਾਮ ਰਿਹਾ ਹੈ।
ਇਸ ਲੜੀ ਹੇਠ ਦੇਸ਼ 'ਚ ਕਾਲੇ ਪੈਸੇ ਉਪਰ ਕਾਬੂ ਪਾਉਣ ਦੀ ਜ਼ਲਦਬਾਜੀ 'ਚ ਮੋਦੀ ਭੁੱਲ ਗਏ ਲੱਗਦੇ ਹਨ ਕਿ ਵੱਡੀ ਗਿਣਤੀ 'ਚ ਭਾਰਤੀ ਨਾ ਤਾਂ ਭ੍ਰਿਸ਼ਟ ਹਨ ਤੇ ਨਾ ਹੀ ਕਾਲੇ ਜਾਂ ਹਵਾਲਾ ਦੇ ਲੈਣ ਦੇਣ 'ਚ ਸ਼ਾਮਿਲ ਹਨ। ਇਹ ਲੋਕ ਮਹੀਨੇ ਦੇ ਕੁਝ ਸੌ ਰੁਪਏ ਕਮਾਉਂਦੇ ਹਨ ਅਤੇ ਘੱਟ ਬਚੱਤ ਕਰਦੇ ਹਨ। ਜਿਨ੍ਹਾਂ ਕੋਲ ਇੰਨੀ ਘੱਟ ਰਾਸ਼ੀ ਨੂੰ ਰੱਖਣ ਲਈ ਬੈਂਕਾਂ 'ਚ ਖਾਤੇ ਵੀ ਨਹੀਂ ਹਨ। ਅਜਿਹੇ 'ਚ ਮੋਦੀ ਸਰਕਾਰ ਦੇ ਫੈਸਲੇ ਨੂੰ ਲਾਗੂ ਕਰਨ 'ਚ ਕੋਈ ਯੋਜਨਾਬੰਦੀ ਜਾਂ ਸੋਚ ਪ੍ਰਤੀਤ ਨਹੀਂ ਹੁੰਦੀ।
ਜਦਕਿ ਇਸਦੇ ਪੰਜਾਬ ਦੀਆਂ ਚੋਣਾਂ ਉਪਰ ਪ੍ਰਭਾਵ ਬਾਰੇ ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਕਾਂਗਰਸ ਵਾਸਤੇ ਇਹ ਕੋਈ ਚਿੰਤਾ ਦਾ ਵਿਸ਼ਾ ਨਹੀਂ ਹੈ। ਬਲਕਿ ਸੱਤਾਧਾਰੀ ਸ੍ਰੋਮਣੀ ਅਕਾਲੀ ਦਲ ਤੇ ਆਮ ਆਦਮੀ ਪਾਰਟੀ ਨੂੰ ਡਰਨਾ ਚਾਹੀਦਾ ਹੈ। ਜਿਥੇ ਨੋਟ ਬੰਦ ਹੋਣ ਕਾਰਨ ਬਾਦਲਾਂ ਦੇ ਕਾਲੇ ਪੈਸਿਆਂ ਦੇ ਕਰੋੜਾਂ ਰੁਪਏ ਖਤਮ ਹੋ ਜਾਣਗੇ, ਕੇਜਰੀਵਾਲ ਨੂੰ ਹਜ਼ਾਰਾਂ ਕਰੋੜਾਂ ਰੁਪਇਆਂ ਦਾ ਘਾਟਾ ਪੈ ਜਾਵੇਗਾ।

ਭਾਰਤ ਦੀਆਂ ਸਰਹੱਦਾਂ ਨੂੰ ਵਾਰ ਜੋਨ `ਚ ਬਦਲ ਰਹੀ ਐ ਮੋਦੀ ਸਰਕਾਰ: ਕੈਪਟਨ ਅਮਰਿੰਦਰ

ਸੁਰੱਖਿਅਤ ਸਰਹੱਦਾਂ ਬਾਰੇ ਸ਼ਾਹ ਦੇ ਦਾਅਵਿਆਂ ਨੂੰ ਨਕਾਰਿਆ
ਚੰਡੀਗੜ੍ਹ, 2 ਨਵੰਬਰ: ਪੰਜਾਬ ਕਾਂਗਰਸ ਪ੍ਰਧਾਨ ਕੈਪਟਨ ਅਮਰਿੰਦਰ ਸਿੰਘ ਨੇ ਮੋਦੀ ਸਰਕਾਰ 'ਤੇ ਦੇਸ਼ ਦੀਆਂ ਸਰਹੱਦਾਂ ਨੂੰ ਵਾਰ ਜੋਨ 'ਚ ਬਦਲਣ ਦਾ ਦੋਸ਼ ਲਗਾਇਆ ਹੈ, ਜਿਨ੍ਹਾਂ ਨੇ ਭਾਰਤੀ ਜਨਤਾ ਪਾਰਟੀ ਦੇ ਪ੍ਰਧਾਨ ਅਮਿਤ ਸ਼ਾਹ ਵੱਲੋਂ ਕੀਤੇ ਗਏ ਦਾਅਵਿਆਂ ਨੂੰ ਸਿਰੇ ਤੋਂ ਨਕਾਰਿਆ ਹੈ ਕਿ ਦੇਸ਼ ਦੀਆਂ ਸਰਹੱਦਾਂ ਅੱਜ ਤੋਂ ਵੱਧ ਕਦੇ ਵੀ ਸੁਰੱਖਿਅਤ ਨਹੀਂ ਸਨ।
ਪੰਜਾਬ ਕਾਂਗਰਸ ਪ੍ਰਧਾਨ, ਸ਼ਾਹ ਵੱਲੋਂ ਮੰਗਲਵਾਰ ਨੂੰ ਪੰਜਾਬੀ ਸੂਬੇ ਦੇ ਜਸ਼ਨ ਮੌਕੇ ਦਿੱਤੇ ਬਿਆਨ ਉਪਰ ਪ੍ਰਤੀਕ੍ਰਿਆ ਜਾਹਿਰ ਕਰ ਰਹੇ ਸਨ। ਇਸ ਦੌਰਾਨ ਸ਼ਾਹ ਨੇ ਕਿਹਾ ਸੀ ਕਿ ਮੋਦੀ ਸਰਕਾਰ ਦੀ ਸੱਭ ਤੋਂ ਵੱਡੀ ਪ੍ਰਾਪਤੀ ਦੇਸ਼ ਦੀਆਂ ਸਰਹੱਦਾਂ ਨੂੰ ਸੁਰੱਖਿਅਤ ਕਰਨਾ ਹੈ, ਜਦਕਿ ਯੂ.ਪੀ.ਏ ਸ਼ਾਸਨਕਾਲ ਦੌਰਾਨ ਇਹ ਹੁੰਦਾ ਸੀ ਕਿ ਕੋਈ ਸਰਹੱਦ 'ਤੇ ਘੁਸਪੈਠ ਕਰ ਜਾਂਦਾ ਸੀ ਅਤੇ ਦੇਸ਼ ਦਾ ਸੱਭ ਤੋਂ ਵੱਡਾ ਅਪਮਾਨ ਹੁੰਦਾ ਸੀ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਇਸ ਤੋਂ ਵੱਡੀ ਨਾਸਮਝੀ ਨਹੀਂ ਹੋ ਸਕਦੀ ਹੈ ਕਿ ਸ਼ਾਹ ਸਰਹੱਦੀ ਇਲਾਕਿਆਂ ਦੀ ਸੱਚਾਈ ਤੋਂ ਪੂਰੀ ਤਰ੍ਹਾਂ ਅਨਜਾਨ ਹਨ, ਜਿਥੇ ਹਰ ਰੋਜ਼ ਕੰਟਰੋਲ ਰੇਖਾ ਉਪਰ ਬਿਨ੍ਹਾਂ ਕਾਰਨ ਗੋਲੀਬਾਰੀ ਹੋ ਰਹੀ ਹੈ ਅਤੇ ਦੋਨਾਂ ਪਾਸਿਆਂ ਦੇ ਸਿਪਾਹੀ ਤੇ ਆਮ ਨਾਗਰਿਕ ਜ਼ਖਮੀ ਹੋ ਰਹੇ ਹਨ ਜਾਂ ਮਰ ਰਹੇ ਹਨ।
ਇਸ ਲੜੀ ਹੇਠ 18 ਸਤੰਬਰ ਨੂੰ ਉੜੀ ਅੱਤਵਾਦੀ ਹਮਲੇ ਤੇ ਉਸ ਤੋਂ ਬਾਅਦ ਭਾਰਤੀ ਫੌਜ਼ ਵੱਲੋਂ ਪਾਕਿਸਤਾਨ ਕਬਜ਼ੇ ਵਾਲੇ ਕਸ਼ਮੀਰ 'ਚ ਸਰਜੀਕਲ ਸਟ੍ਰਾਈਕਾਂ ਤੋਂ ਉਪਰੰਤ ਕੰਟਰੋਲ ਰੇਖਾ ਉਪਰ ਬਿਗੜੇ ਹਾਲਾਤਾਂ ਬਾਰੇ ਮੀਡੀਆ ਦੀਆਂ ਰਿਪੋਰਟਾਂ ਦਾ ਜ਼ਿਕਰ ਕਰਦਿਆਂ ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਜੰਮੂ ਦਾ ਪੂਰਾ ਸਰਹੱਦੀ ਇਲਾਕਾ ਵਾਰ ਜੋਨ ਬਣ ਚੁੱਕਾ ਹੈ, ਜੋ ਮੋਦੀ ਸਰਕਾਰ ਦੀਆਂ ਬੇਸਮਝੀ ਵਾਲੀਆਂ ਤੇ ਕਮਜ਼ੋਰ ਰੱਖਿਆ ਨੀਤੀਆਂ ਦਾ ਨਤੀਜ਼ਾ ਹੈ। 
ਪ੍ਰਦੇਸ਼ ਕਾਂਗਰਸ ਪ੍ਰਧਾਨ ਨੇ ਕਿਹਾ ਕਿ ਮੋਦੀ ਸਰਕਾਰ ਆਪਣੇ ਰੱਖਿਆ ਮੰਤਰੀ ਮਨੋਹਰ ਪਾਰਿਕਰ ਰਾਹੀਂ ਸਰਜੀਕਲ ਸਟ੍ਰਾਈਕਾਂ ਦਾ ਸਿਆਸੀ ਫਾਇਦਾ ਲੈਣ 'ਚ ਲੱਗੀ ਹੋਈ ਹੈ। ਜਿਹੜੇ ਜ਼ਮੀਨੀ ਹਾਲਾਤ ਭਾਜਪਾ ਮੁਖੀ ਵੱਲੋਂ ਕੀਤੇ ਗਏ ਦਾਅਵਿਆਂ ਦੇ ਪੂਰੀ ਤਰ੍ਹਾਂ ਉਲਟ ਹਨ। ਉਨ੍ਹਾਂ ਨੇ ਚੇਤਾਵਨੀ ਦਿੰਦਿਆਂ ਕਿਹਾ ਕਿ ਸਰਹੱਦ ਉਪਰ ਤਨਾਅ ਦਾ ਗਹਿਰਾ ਹੋਣਾ ਇਸ ਗੱਲ ਦਾ ਸਾਫ ਸਬੂਤ ਹੈ ਕਿ ਹਾਲਾਤ ਤੇਜ਼ੀ ਨਾਲ ਬਿਗੜਦੇ ਜਾ ਰਹੇ ਹਨ ਅਤੇ ਇਹ ਹਾਲਾਤ ਪੂਰੀ ਤਰ੍ਹਾਂ ਜੰਗ 'ਚ ਤਬਦੀਲ ਹੋਣ ਤੋਂ ਪਹਿਲਾਂ ਸਥਿਤੀ ਦਾ ਹੱਲ ਕੀਤੇ ਜਾਣ ਦੀ ਤੁਰੰਤ ਲੋੜ ਹੈ।
ਕੈਪਟਨ ਅਮਰਿੰਦਰ ਨੇ ਇਕ ਵਾਰ ਫਿਰ ਤੋਂ ਦੁਹਰਾਇਆ ਹੈ ਕਿ ਨਵੀਂ ਦਿੱਲੀ ਨੂੰ ਕੂਟਨੀਤਿਕ ਪੱਧਰ 'ਤੇ ਇਸਲਾਮਾਬਾਦ ਨਾਲ ਗੱਲ ਕਰਨ ਦੀ ਲੋੜ ਹੈ, ਤਾਂ ਜੋ ਦੇਸ਼ ਦੀ ਰੱਖਿਆ ਤੇ ਲੋਕਾਂ ਦੀ ਸੁਰੱਖਿਆ ਦੇ ਹਿੱਤ 'ਚ ਸਰਹੱਦੀ ਮੁੱਦਿਆਂ ਨੂੰ ਸੁਲਝਾਉਂਦਿਆਂ ਸ਼ਾਂਤੀ ਕਾਇਮ ਕੀਤੀ ਜਾ ਸਕੇ। ਉਨ੍ਹਾਂ ਨੇ ਕਿਹਾ ਕਿ ਸਰਹੱਦੀ ਇਲਾਕਿਆਂ ਦੇ ਨਿਵਾਸੀਆਂ ਨੂੰ ਸਰਹੱਦ ਪਾਰ ਗੋਲੀਬਾਰੀ ਤੇ ਹਿੰਸਾ ਦਾ ਸ਼ਿਕਾਰ ਹੋਣਾ ਪੈ ਰਿਹਾ ਹੈ, ਜਿਨ੍ਹਾਂ ਬਦਨਸੀਬ ਪੀੜਤਾਂ ਦੀ ਮੋਦੀ ਸਰਕਾਰ ਹਾਲੇ ਤੱਕ ਰਾਖੀ ਕਰਨ 'ਚ ਨਾਕਾਮ ਰਹੀ ਹੈ।
ਕੈਪਟਨ ਅਮਰਿੰਦਰ ਨੇ ਕਿਹਾ ਕਿ ਪਾਕਿਸਤਾਨ ਵੱਲੋਂ ਕੰਟਰੋਲ ਰੇਖਾ 'ਤੇ ਜੰਗ ਬੰਦੀ ਦਾ ਉਲੰਘਣ ਕੀਤੇ ਜਾਣ ਨਾਲ, ਦੇਸ਼ ਦੀਆਂ ਸਾਰੀਆਂ ਪਾਰਟੀਆਂ ਲਈ ਸਬੰਧਤ ਵਿਚਾਰਧਾਰਾ ਤੋਂ ਉੱਪਰ ਉੱਠ ਕੇ ਤੁਰੰਤ ਤੇ ਸਾਂਝੇ ਕਦਮ ਚੁੱਕਿਆ ਜਾਣਾ ਜ਼ਰੂਰੀ ਹੋ ਗਿਆ ਹੈ। ਉਨ੍ਹਾਂ ਨੇ ਖੁਲਾਸਾ ਕੀਤਾ ਕਿ ਸਰਜੀਕਲ ਸਟ੍ਰਾਈਕਾਂ ਤੋਂ ਬਾਅਦ ਕਰੀਬ ਇਕ ਮਹੀਨੇ ਤੋਂ ਪਾਕਿਸਤਾਨ ਵੱਲੋਂ ਲਗਭਗ 60 ਜੰਗ ਬੰਦੀ ਦੇ ਉਲੰਘਣ ਹੋ ਚੁੱਕੇ ਹਨ।
ਲੇਕਿਨ ਮੋਦੀ ਸਰਕਾਰ ਹਾਲਾਤਾਂ ਦਾ ਉਚਿਤ ਹੱਲ ਕੱਢਣ ਵਾਸਤੇ ਵਿਰੋਧੀ ਪਾਰਟੀਆਂ ਨਾਲ ਸਲਾਹ ਮੁਸ਼ਵਰਾ ਕਰਨ ਦੀ ਬਜਾਏ ਇਨ੍ਹਾਂ ਹਾਲਾਤਾਂ ਤੋਂ ਸਿਆਸੀ ਫਾਇਦਾ ਲੈਣ ਦੇ ਭਰਪੂਰ ਯਤਨ ਕਰ ਰਹੀ ਹੈ ਅਤੇ ਜਾਣਬੁਝ ਕੇ ਇਹ ਹਾਲਾਤ ਖ਼ਰਾਬ ਹੋਣ ਦਿੱਤੇ ਜਾ ਰਹੇ ਹਨ। ਕੈਪਟਨ ਅਮਰਿੰਦਰ ਨੇ ਜ਼ੋਰ ਦਿੰਦਿਆਂ ਕਿਹਾ ਕਿ ਕਾਂਗਰਸ ਪਾਰਟੀ ਹਮੇਸ਼ਾ ਤੋਂ ਸਰਹੱਦੀ ਤਨਾਅ ਦਾ ਸ਼ਾਂਤਮਈ ਹੱਲ ਕੱਢਣ ਲਈ ਸਰਕਾਰ ਨੂੰ ਸਹਿਯੋਗ ਤੇ ਸਮਰਥਨ ਦੇਣ ਵਾਸਤੇ ਤਿਆਰ ਹੈ।

ਕਰੀਬ 3300 ਕਿਲੋਮੀਟਰ ਲੰਮੀ ਹੈ ਭਾਰਤ-ਪਾਕਿ ਸਰਹੱਦ

ਪੰਜਾਬ, ਗੁਜਰਾਤ, ਰਾਜਸਥਾਨ ਅਤੇ ਜੰਮੂ ਕਸ਼ਮੀਰ ਦੇ ਨਾਲ ਲੱਗਦਾ ਹੈ ਪਾਕਿਸਤਾਨ

ਆਜ਼ਾਦੀ ਦੇ ਬਾਅਦ ਹੁਣ ਤੱਕ ਚੀਨ ਅਤੇ ਪਾਕਿਸਤਾਨ ਨਾਲ ਤਿੰਨ ਪ੍ਰਮੁੱਖ ਲੜਾਈਆਂ ਲੜ ਚੁੱਕੇ ਭਾਰਤ ਦੀ ਸਰਹੱਦ 8 ਦੇਸ਼ਾਂ ਨਾਲ ਲੱਗਦੀ ਹੈ | ਸਮੁੰਦਰੀ ਅਤੇ ਮੈਦਾਨੀ ਇਲਾਕਿਆਂ ਦੇ ਇਲਾਵਾ ਬਰਫ਼ੀਲੇ ਪਹਾੜਾਂ ਵਿਚ ਫੈਲੀ ਹੋਈ ਇਸ ਅੰਤਰਰਾਸ਼ਟਰੀ ਸਰਹੱਦ 'ਤੇ ਬੇਹੱਦ ਔਖੀਆਂ ਸਥਿਤੀਆਂ ਦੇ ਬਾਵਜੂਦ ਦੇਸ਼ ਦੀਆਂ ਸੁਰੱਖਿਆ ਫੋਰਸਾਂ ਦੇ ਜਵਾਨ ਸਖ਼ਤ ਪਹਿਰਾ ਦਿੰਦੇ ਹਨ | ਅਫ਼ਗਾਨਿਸਤਾਨ, ਪਾਕਿਸਤਾਨ, ਚੀਨ, ਨਿਪਾਲ, ਮੀਆਂਮਾਰ, ਭੂਟਾਨ, ਬੰਗਲਾਦੇਸ਼ ਅਤੇ ਸ੍ਰੀਲੰਕਾ ਭਾਰਤ ਦੇ ਗੁਆਂਢੀ ਦੇਸ਼ ਹਨ | ਜਿਨ੍ਹਾਂ ਨਾਲ ਭਾਰਤ ਦੀ ਕਰੀਬ 15200 ਕਿਲੋਮੀਟਰ ਮੈਦਾਨੀ ਸਰਹੱਦ ਹੈ | ਜਦੋਂ ਕਿ ਕਰੀਬ ਸਾਢੇ 7 ਹਜ਼ਾਰ ਕਿਲੋਮੀਟਰ ਲੰਮੀ ਸਰਹੱਦ ਸਮੁੰਦਰ ਵਿਚ ਹੈ | ਇਸ ਵਿੱਚੋਂ ਭਾਰਤ ਦੀ ਕਰੀਬ ਸਵਾ 3 ਹਜ਼ਾਰ ਕਿਲੋਮੀਟਰ ਸਰਹੱਦ ਪਾਕਿਸਤਾਨ ਦੇ ਨਾਲ ਲੱਗਦੀ ਹੈ | ਜਿਸ ਵਿਚੋਂ ਕਰੀਬ ਸਾਢੇ 550 ਕਿੱਲੋਮੀਟਰ ਲੰਬੀ ਸਰਹੱਦ ਪੰਜਾਬ ਅੰਦਰ ਹੈ | ਜਦੋਂ ਕਿ ਬਾਕੀ ਦਾ ਇਲਾਕਾ ਰਾਜਸਥਾਨ, ਗੁਜਰਾਤ ਅਤੇ ਜੰਮੂ ਕਸ਼ਮੀਰ ਸੂਬਿਆਂ ਅੰਦਰ ਹੈ | ਇਸ ਸਰਹੱਦ ਦੀ ਰੱਖਿਆ ਦੀ ਜ਼ਿੰਮੇਵਾਰੀ ਬੀ.ਐਸ.ਐਫ. ਨੂੰ ਸੌਾਪੀ ਗਈ ਹੈ | ਜਿਸ ਦੇ ਜਵਾਨਾਂ ਵੱਲੋਂ ਬਹੁਤ ਹੀ ਮੁਸ਼ਕਿਲ ਘੜੀਆਂ ਵਿਚ ਇਸ ਗੁਆਂਢੀ ਮੁਲਕ ਵਿਚੋਂ ਹੋਣ ਵਾਲੀ ਘੁਸਪੈਠਾਂ ਤੇ ਹੋਰ ਹਮਲਿਆਂ ਤੋਂ ਦੇਸ਼ ਵਾਸੀਆਂ ਨੂੰ ਬਚਾਉਣ ਲਈ ਪਹਿਰਾ ਦਿੱਤਾ ਜਾਂਦਾ ਹੈ |

ਸਰਪੰਚ ਬਲਦੇਵ ਕੁੱਸਾ ਵੱਲੋਂ ਸਾਇਕਲਾਂ ਤੇ ਨੌਜਵਾਨਾ ਨਾਲ ਪਿੰਡਾਂ ਚ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਕ ਚ ਪ੍ਰਚਾਰ


ਹਲਕਾ ਨਿਹਾਲ ਸਿੰਘ ਵਾਲਾ ਦੇ ਸੀਨੀਅਰ ਕਾਂਗਰਸੀ ਆਗੂ ਤੇ ਹਲਕੇ ਚ ਕਾਂਗਰਸ ਪਾਰਟੀ ਨੂੰ ਮਜਬੂਤ ਕਰਨ ਲਈ ਸਰਗਰਮ ਨੌਜਵਾਨ ਕਾਗਰਸੀ ਆਗੂ ਸਰਪੰਚ ਬਲਦੇਵ ਸਿੰਘ ਕੁੱਸਾ ਯੂਥ ਕਾਂਗਰਸ ਦੇ ਜਨਰਲ ਸਕੱਤਰ ਕਮਲਜੀਤ ਸਿੰਘ ਬਰਾੜ ਦੇ ਨਿਰਦੇਸ਼ਾ ਤੇ ਅੱਜ   ਵੱਡੀ ਗਿਣਤੀ ਚ ਯੂਥ ਕਾਂਗਰਸ ਦੇ ਨੌਜਵਾਨਾ ਨੂੰ ਨਾਲ ਲੈ ਕੇ ਪਿੰਡ ਕੁੱਸਾ ਤੋਂ ਪ੍ਚਾਰ ਕਰਨ ਦਾ ਅਨੋਖਾ ਤਰੀਕਾ ਸ਼ੁਰੂ ਕਰਦਿਆਂ ਕੈਪਟਨ ਲਿਆਉ, ਪੰਜਾਬ ਬਚਾਓ ਦੇ ਨਾਹਰੇ ਹੇਠ ਸਾਇਕਲ ਮਾਰਚ ਕਰਦਿਆਂ ਪਿੰਡਾਂ ਚ ਸਾਬਕਾ ਮੁੱਖ ਮੰਤਰੀ ਕੈਪਟਨ ਅਮਰਿੰਦਰ ਸਿੰਘ ਦੇ ਹੱਕ ਚ ਸਾਇਕਲਾਂ ਤੇ ਜਾ  ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠ ਲੰਘੀ  ਸਰਕਾਰ ਸਮੇਂ ਕਾਂਗਰਸ ਵੱਲੋਂ ਕੀਤੇ ਚੰਗੇ ਫੈਸਲਿਆਂ ਦੀਆਂ ਪ੍ਰਾਪਤੀਆਂ ਦੱਸਦੇ ਪੈਫਲਿਟ ਵੰਡੇ ਤੇ ਪ੍ਚਾਰ ਕਰਦਿਆਂ ਹੋਇਆਂ ਸਰਪੰਚ ਕੁੱਸਾ ਨੇ ਆਉਣ ਵਾਲੀ ਪੰਜਾਬ ਚ ਸਰਕਾਰ ਕੈਪਟਨ ਅਮਰਿੰਦਰ ਸਿੰਘ ਦੀ ਅਗਵਾਈ ਹੇਠ ਬਣਾਉਣ ਦੀ ਅਪੀਲ ਕੀਤੀ। ਸਰਪੰਚ ਬਲਦੇਵ ਸਿੰਘ ਕੁੱਸਾ ਦੀ ਅਗਵਾਈ ਹੇਠ ਸ਼ੁਰੂ ਹੋਏ ਇਸ  ਸਾਈਕਲ ਮਾਰਚ ਨੇ ਰਾਮਾਂ ਬਿਲਾਸਪੁਰ, ਮਾਛੀਕੇ, ਲੁਹਾਰਾ ਕੁੱਸਾ ਪਿੰਡਾਂ ਘਰ ਘਰ ਜਾ ਕੇ ਕੈਪਟਨ ਤੇ ਕਾਗਰਸ ਦੇ ਹੱਕ ਪੈਫਲਿਟ ਵੰਡੇ । ਇਸ ਸਮੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਸਰਪੰਚ ਬਲਦੇਵ ਸਿੰਘ ਕੁੱਸਾ ਨੇ ਕਿਹਾ ਕੇ ਪੰਜਾਬ ਚ ਅੱਜ ਅਮਨ ਕਾਨੂੰਨ ਨਾ ਦੀ ਕੋਈ ਚੀਜ਼ ਨਹੀਂ ਹੱਕ ਮੰਗਦੇ ਹਰ ਵਰਗ ਦੇ ਲੋਕਾਂ ਨੂੰ ਅਕਾਲੀ +ਭਾਜਪਾ ਸਰਕਾਰ ਵੱਲੋਂ ਡਾਗਾਂ ਨਾਲ ਨਿਵਾਜਿਆ ਜਾ ਰਿਹਾ ਅਕਾਲੀ ਦਲ ਦੇ ਰਾਜ ਤੋਂ ਅੱਕ ਚੁੱਕੀ ਪੰਜਾਬ ਦੀ ਜਨਤਾ ਕੈਪਟਨ ਅਮਰਿੰਦਰ ਸਿੰਘ ਨੂੰ ਪੰਜਾਬ ਦੀ ਵਾਗਡੋਰ ਸੌਂਪੇ ਗੀ। ਸਰਪੰਚ ਕੁੱਸਾ ਨੇ ਕਿਹਾ ਪਿੰਡਾਂ ਅੰਦਰ ਕੈਪਟਨ ਅਮਰਿੰਦਰ ਸਿੰਘ ਤੇ ਕਾਗਰਸ ਪਾਰਟੀ ਪ੍ਰਤੀ ਲੋਕਾਂ ਚ ਭਾਰੀ ਉਤਸਾਹ ਪਾਇਆ ਜਾ ਰਿਹਾ ਹੈ। ਅਸੀਂ ਹਲਕੇ ਦੇ ਹਰ ਪਿੰਡ ਚ ਨੌਜਵਾਨਾਂ ਨਾਲ ਸਾਇਕਲਾਂ ਤੇ ਜਾ ਕੇ ਕੈਪਟਨ ਦੇ ਹੱਕ ਚ ਪ੍ਰਚਾਰ ਕਰਾਗੇ।ਇਸ ਸਮੇ ਪੱਪੂ ਜੋਸ਼ੀ ਹਿੰਮਤਪੁਰਾ, ਚਰਨ ਸਿੰਘ, ਦਿਲਬਾਗ ਸਿੰਘ ਬੌਡੇ, ਤਾਰਾ ਸਿੰਘ, ਮਨਪ੍ਰੀਤ ਸਿੰਘ, ਚਮਕੌਰ ਸਿੰਘ ਬਰਾੜ, ਜਗਸੀਰ ਗਿੱਲ, ਰਾਜਾ ਗਿੱਲ ਲਾਡੀ ਧਾਲੀਵਾਲ, ਤਾਰਾ ਸਿੰਘ,ਗੁਰਜੰਟ ਸਿੰਘ ਨੰਬਰਦਾਰ, ਬਿੱਕਰ ਸਿੰਘ, ਦੇਵ ਸਿੰਘ, ਆਦਿ ਵੱਡੀ ਗਿਣਤੀ ਵਿਚ ਹਾਜ਼ਰ ਸਨ।

`ਦਿਲਜੀਤ ਦੀ ਪੰਜਾਬੀ ਫਿਲਮ ਸਰਦਾਰ ਜੀ 2` ਤੇਲਗੂ ਵਿਚ ਵੀ "

ਦਿਲਜੀਤ ਦੋਸਾਂਝ ਦੀ ਰਿਲੀਜ਼ ਹੋਣ ਵਾਲੀ ਫਿਲਮ 'ਸਰਦਾਰ ਜੀ 2' ਦਾ ਤੇਲਗੂ ਵਿੱਚ ਰਿਮੇਕ ਹੋਣ ਜਾ ਰਿਹਾ ਹੈ| ਫਿਲਮ ਦੇ ਰਾਈਟਸ ਅਦਾਕਾਰ ਰਾਣਾ ਦੱਗੁਬਤੀ ਨੇ ਲੈ ਲਏ ਹਨ| ਰਾਣਾ ਇਸ ਫਿਲਮ ਦਾ ਨਿਰਮਾਣ ਕਰਨਗੇ ਅਤੇ ਮੁੱਖ ਭੂਮਿਕਾ ਵੀ ਨਿਭਾਉਣਗੇ| ਸੂਤਰਾਂ ਮੁਤਾਬਕ ਰਾਣਾ  ਫਿਲਮ ਦਾ ਟ੍ਰੇਲਰ ਵੇਖਣ ਤੋਂ ਬਾਅਦ ਬਹੁਤ ਪ੍ਰਭਾਵਿਤ ਹੋਏ ਅਤੇ ਫਿਲਮ ਨੂੰ ਤੇਲਗੂ ਭਾਸ਼ਾ ਚ ਬਹੁਤ ਵੱਡੇ ਬੱਜਟ ਚ ਬਣਾਉਣ ਦਾ ਫੈਸਲਾ ਕਰ ਲਿਆ |  ਜਿਕਰਯੋਗ ਹੈ ਕਿ ਰਾਣਾ ਦੁੱਗੂਬਾਤੀ ਬਾਹੂਬਲੀ ਫਿਲਮ ਦੀ ਅਪਾਰ ਸਫਲਤਾ ਤੋਂ ਬਾਅਦ ਇੱਕ ਮੈਗਾ ਸਟਾਰ ਦਾ ਦਰਜਾ ਹਾਸਿਲ ਕਰ ਚੁੱਕੇ ਹਨ!

ਇਹ ਮੇਰਾ ਪੰਜਾਬ ਤਾਂ ਨਹੀਂ ?


ਕੁਝ ਸਮੇਂ ਤੋਂ ਪੰਜਾਬ ਵਿੱਚ ਵੱਧ ਰਹੀਆਂ ਲੁੱਟਾਂ ਖੋਹਾਂ ਅਤੇ ਹੋਰ ਅਪਰਾਧਿਕ ਗਤੀਵਿਧੀਆਂ ਇਹ ਸੋਚਣ ਲਈ ਮਜਬੂਰ ਕਰਦੀਆਂ ਹਨ ਕਿ  ਕੀ ਇਹ ਉਹੀ ਪੰਜਾਬ ਹੈ ਜਿੱਥੇ ਦੇ ਲੋਕਾਂ ਨੂੰ ਮਿਹਨਤ ਤੇ ਹੱਕ ਦੀ ਕਮਾਈ ਖਾਣ ਦੀ ਮਾਣ ਪ੍ਰਾਪਤ ਸੀ| ਦਿਨ ਦਿਹਾੜੇ ਵੱਧ ਰਹੀਆਂ ਲੁੱਟਾਂ ਖੋਹਾਂ ਅਤੇ ਚੋਰੀ ਦੀਆਂ ਵਾਰਦਾਤਾਂ ਆਮ ਹੋ ਗਈਆਂ ਹਨ| ਅੱਜ ਧਾਲੀਵਾਲ ਸਥਾਨਿਕ ਸ਼ਹਿਰ ਦੇ ਬਿਜਲੀ ਘਰ ਦੇ ਪਿੱਛੇ ਰਾਮ ਸ਼ਰਨ ਪਾਰਕ ਨੇੜੇ ਗਲੀ ਵਿਚੋਂ ਦੋ ਮੋਟਰ ਸਾਈਕਲ ਸਵਾਰ ਨੌਜਵਾਨਾਂ ਵਲੋਂ ਇੱਕ ਔਰਤ ਦੇ ਗਲੇ ਵਿਚੋਂ 3 ਤੋਲੇ ਸੋਨੇ ਦੀ ਚੈਨੀ ਝਪਟ ਕੇ ਲੈ ਜਾਣ ਦਾ ਸਮਾਚਾਰ ਹੈ| ਪੁਲਿਸ ਪਾਰਟੀ ਨੇ ਮੌਕੇ ਦਾ ਦੌਰਾ ਕਰਕੇ ਦੋਸ਼ੀਆਂ ਦੀ ਭਾਲ ਸ਼ੁਰੂ ਕਰ ਦਿੱਤੀ|

`ਸਰਬਜੀਤ` 20 ਮਈ ਨੂੰ ਸਿਨੇਮਾ ਘਰਾਂ ਚ ਪ੍ਰਵੇਸ਼ ਕਰੇਗੀ

ਫਿਲਮ 'ਸਰਬਜੀਤ' ਜਲਦੀ ਹੀ ਸਿਨੇਮਾ ਘਰਾਂ ਦੀ ਸ਼ੋਭਾ ਬਣਨ ਜਾ ਰਹੀ ਹੈ|  ਐਸ਼ਵਰਿਆ ਰਾਏ ਅਤੇ ਰਣਦੀਪ ਹੁੱਡਾ ਸੋਨੀ ਟੀ.ਵੀ 'ਤੇ 'ਦਾ ਕਪਿਲ ਸ਼ਰਮਾ ਸ਼ੋਅ' ਵਿਚ ਇਸ ਫਿਲਮ ਦੇ ਪ੍ਰਚਾਰ ਲਈ ਖਾਸ ਤੌਰ ਤੇ  ਪਹੁੰਚੇ ਸਨ| ਆਪਣੀ ਇਸ ਆਉਣ ਵਾਲੀ ਫਿਲਮ 'ਸਰਬਜੀਤ' ਲਈ ਅਭਿਨੇਤਰੀ ਐਸ਼ਵਰਿਆ ਰਾਏ ਬੱਚਨ ਅਤੇ ਅਭਿਨੇਤਾ ਰਣਦੀਪ ਹੁੱਡਾ ਵਲੋਂ ਜ਼ੋਰ-ਸ਼ੋਰ ਨਾਲ ਪ੍ਰਚਾਰ ਕੀਤਾ ਜਾ ਰਿਹਾ ਹੈ| ਇਹ ਫਿਲਮ ਆਗਾਮੀ 20 ਮਈ ਨੂੰ ਸਿਨੇਮਾ ਘਰਾਂ ਵਿਚ ਰਿਲੀਜ਼ ਹੋਣ ਜਾ ਰਹੀ ਹੈ| ਇਸ ਫਿਲਮ ਵਿਚ ਪ੍ਰਮੁੱਖ ਭੂਮਿਕਾਵਾਂ ਵਿਚ ਰਣਦੀਪ ਹੁੱਡਾ ਅਤੇ ਐਸ਼ਵਰਿਆ ਰਾਏ ਹਨ ਜਿਸ ਨੂੰ ਉਮੰਗ ਕੁਮਾਰ ਨੇ ਡਾਇਰੈਕਟ ਕੀਤਾ ਹੈ | ਇਸ ਤੋਂ ਇਲਾਵਾ ਰਿਚਾ ਚੱਢਾ ਨੇ ਵੀ ਇਸ ਫਿਲਮ ਵਿਚ ਭੂਮਿਕਾ ਨਿਭਾਈ ਹੈ| ਜ਼ਿਕਰਯੋਗ ਹੈ ਕਿ ਇਹ ਫਿਲਮ ਪੰਜਾਬ ਦੀਆਂ ਕਈ ਥਾਵਾਂ 'ਤੇ ਬਣਾਈ ਗਈ ਹੈ|

ਅਦਾਲਤ ਵੱਲੋਂ ਆਕਲੀਆ ਕਾਲਜ ਆਫ਼ ਐਜੂਕੇਸ਼ਨ ਨੂੰ ਅਧਿਆਪਕ ਦੀ ਤਨਖ਼ਾਹ ਵਿਆਜ਼ ਸਮੇਤ ਤੇ ਤਜਰਬੇ ਦਾ ਸਰਟੀਫਿਕੇਟ ਦੇਣ ਦੀ ਹਦਾਇਤ

 ਗੋਨਿਆਣਾ, 11 ਮਈ (ਬਰਾੜ ਆਰ. ਸਿੰਘ)-ਬੇਸ਼ੱਕ ਪੜ੍ਹੇ ਲਿਖੇ ਵਰਗ ਦਾ ਸ਼ੋਸ਼ਣ ਕੋਈ ਨਵੀਂ ਗੱਲ ਨਹੀਂ ਹੈ ਪਰ ਫ਼ਿਰ ਵੀ ਇਸ ਵਰਤਾਰੇ ਨੂੰ ਰੋਕਣ ਵਾਲਾ ਕਦਮ ਚੁੱਕਦਿਆਂ ਬਠਿੰਡਾ ਅਦਾਲਤ ਦੀ ਸੀਨੀਅਰ ਡਵੀਜ਼ਨ ਨੇ ਆਕਲੀਆ ਕਾਲਜ ਆਫ਼ ਐਜੂਕੇਸ਼ਨ ਨੂੰ ਇਕ ਝਟਕਾ ਦਿੰਦਿਆਂ ਇਹ ਹਦਾਇਤ ਕੀਤੀ ਹੈ ਕਿ ਉਹ ਅਧਿਆਪਕ ਦੀ ਪਿਛਲੇ ਪੰਜ ਸਾਲਾਂ ਤੋਂ ਦੱਬੀ ਤਨਖ਼ਾਹ ਤੇ ਸਕਿਊਰਿਟੀ ਵਿਆਜ ਸਮੇਤ ਅਧਿਆਪਕ ਨੂੰ ਦੇਵੇ | ਪ੍ਰਾਪਤ ਜਾਣਕਾਰੀ ਅਨੁਸਾਰ ਡਾ. ਦਵਿੰਦਰ ਸੈਫ਼ੀ ਜੋ ਕਿਸੇ ਸਮੇਂ ਇਸ ਸੰਸਥਾ ਵਿਚ ਅਧਿਆਪਕ ਵਜੋਂ ਪੜਾਇਆ ਕਰਦਾ ਸੀ ਨੇ ਆਪਣੀ ਬਣਦੀ ਤਨਖ਼ਾਹ ਲੈਣ ਲਈ ਯੂਨੀਵਰਸਿਟੀ ਦੇ ਡੀਨ ਅਤੇ ਵਾਈਸ ਚਾਂਸਲਰ ਨੂੰ ਵੀ ਬੇਨਤੀ ਕੀਤੀ ਸੀ | ਪਰ ਇਨ੍ਹਾਂ ਅਧਿਕਾਰੀਆਂ ਦੀਆਂ ਹਦਾਇਤਾਂ ਦੇ ਬਾਵਜ਼ੂਦ ਵੀ ਜਦੋਂ ਉਕਤ ਅਧਿਆਪਕ ਨੂੰ ਕਾਲਜ ਮੈਨੇਜਮੈਂਟ ਵੱਲੋਂ ਇਹ ਤਨਖ਼ਾਹ ਅਤੇ ਸਕਿਊਰਿਟੀ ਜ਼ਾਰੀ ਨਹੀਂ ਕੀਤੇ ਗਏ ਤਾਂ ਪੀੜਤ ਅਧਿਆਪਕ ਨੇ ਇਸ ਵਿਰੁੱਧ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ | ਕਾਲਜ ਮੈਨੇਜਮੈਂਟ ਦੀ ਇਸ ਮਨਮਾਨੀ ਵਿਰੁੱਧ ਅਦਾਲਤ ਨੇ ਆਪਣਾ ਫ਼ੈਸਲਾ ਸੁਣਾਉਂਦਿਆਂ ਆਪਣੇ ਫ਼ੈਸਲੇ ਵਿਚ ਇਹ ਹਦਾਇਤ ਜ਼ਾਰੀ ਕੀਤੀ ਹੈ ਕਿ ਉਹ ਉਕਤ ਅਧਿਆਪਕ ਨੂੰ 12 ਦਸੰਬਰ 2009 ਤੋਂ 24 ਜੂਨ 2010 ਤੱਕ ਬਣਦੀ ਤਨਖ਼ਾਹ 78,500 ਇਸ ਦੇ ਨਾਲ 18 ਪ੍ਰਤੀਸ਼ਤ ਸਲਾਨਾ ਵਿਆਜ ਅਤੇ ਉਸ ਦੇ ਤਜ਼ਰਬੇ ਦਾ ਸਰਟੀਫ਼ਿਕੇਟ ਵੀ ਜ਼ਾਰੀ ਕਰੇ |


-

ਬਲਾਤਕਾਰੀ ਨੇ ਦਿਨ ਦਿਹਾੜੇ ਮਹਿਲਾ ਨੂੰ ਦਫਤਰੋਂ ਚੁੱਕਿਆ

ਪੰਜਾਬ ਦੇ ਮੁਕਤਸਰ ਚ 25 ਮਾਰਚ ਨੂੰ 24 ਸਾਲਾਂ ਦੀ ਦੱਲਿਤ ਮਹਿਲਾ ਨੂੰ ਉਸ ਦੇ ਦਫਤਰ ਤੋਂ ਹੀ ਇੱਕ ਵਿਅਕਤੀ ਚੁੱਕ ਕੇ ਲੈ ਗਿਆ| ਸੀ ਸੀ ਟੀ ਵੀ ਚ ਕੈਦ ਘਟਨਾ ਦੀਆਂ ਤਸਵੀਰਾਂ ਚ ਇੱਕ ਆਦਮੀ ਦੁਕਾਨਾਂ ਦੀ ਭਰੀ ਗਲੀ ਚ ਦਿਨ ਦਿਹਾੜੇ ਇਕ ਔਰਤ ਨੂੰ ਘਸੀਟਦਾ ਦਿੱਸਦਾ ਹੈ| ਮਹਿਲਾ ਖੁਦ ਨੂੰ ਬਚਾਉਣ ਦੀ ਕੋਸ਼ਿਸ਼ ਕਰਦੀ ਹੋਈ ਸਹਾਇਤਾ ਲਈ ਲੋਕਾਂ ਨੂੰ ਪੁਕਾਰ ਰਹੀ ਹੈ| ਇਸ ਦੌਰਾਨ ਉਸ ਕੋਲੌ ਕਈ ਗੱਡੀਆਂ ਵੀ ਗੁਜਰੀਆਂ ਪਰ  ਕੋਈ ਉਹਨੂੰ ਬਚਾਉਣ ਲਈ ਨਹੀਂ ਆਇਆ| ਮਹਿਲਾ ਨੇ ਪੁਲਿਸ ਨੂੰ ਬਿਆਨ ਚ ਦੱਸਿਆ ਕਿ ਵੀਡੀਉ ਚ ਦਿਖ ਰਹੇ ਅਪਹਰਣਕਰਤਾ ਨੇ ਇੱਕ ਫਾਰਮ ਹਾਉਸ ਚ ਉਸਦਾ ਬਲਾਤਕਾਰ ਕੀਤਾ ਅਤੇ ਅਗਲੇ ਦਿਨ ਛੱਡ ਦਿੱਤਾ | ਪੁਲਿਸ ਨੇ ਘਟਨਾ ਤੋਂ 5 ਦਿਨ ਬਾਅਦ ਐਫ ਆਈ ਆਰ ਦਰਜ ਕੀਤੀ ਅਤੇ ਮਹੀਨਾ ਬੀਤ ਜਾਣ ਤੋਂ ਬਾਅਦ ਵੀ ਕੋਈ ਗ੍ਰਿਫਤਾਰੀ ਨਹੀਂ ਹੋਈ| ਦਲਿਤ ਮਹਿਲਾ ਅਤੇ ਉਸਦੇ ਪਿਤਾ ਨੇ ਇਸ ਸਬੰਧ ਵਿੱਚ ਰਾਸ਼ਟਰੀ ਅਨੁਸੂਚਿਤ ਜਾਤੀ ਆਯੋਗ ਚ ਵੀ ਸਿਕਾਇਤ ਕੀਤੀ ਸੀ, ਜਿਸ ਨੇ ਮੁਕਤਸਰ ਦੇ ਪੁਲਿਸ ਅਧਿਕਾਰੀਆਂ ਨੂੰ ਬੁਲਾ ਕੇ ਦੋਸ਼ੀ ਦੀ ਗ੍ਰਿਫਤਾਰੀ ਚ ਦੇਰੀ ਹੋਣ ਲਈ ਸਪਸ਼ਟੀਕਰਣ ਮੰਗਿਆ ਹੈ|

ਫੁਕਰਪੁਣਾ : ਪਤਨੀ ਅੱਗੇ ਦਿਖਾਵਾ ਕਰਦੇ ਨੋਜਵਾਨ ਦੀ ਗੋਲੀ ਨਾਲ ਮੌਤ

ਆਪਣੇ ਦੋਸਤ ਦੀ ਪਿਸਤੌਲ ਨਾਲ ਪਤਨੀ ਅਗੇ ਖੁਦ ਨੂੰ ਗੋਲੀ ਮਾਰਨ ਦਾ ਦਿਖਾਵਾ ਕਰਦਿਆਂ ਕਰਦਿਆਂ ਹੀ ਇਕ ਨੌਜਵਾਨ ਦੀ ਅਸਲ 'ਚ ਗੋਲੀ ਚੱਲਣ ਕਾਰਨ ਮੌਕੇ 'ਤੇ ਹੀ ਮੌਤ ਹੋ ਗਈ|

 

ਉਹ ਨੌਜਵਾਨ ਕਾਫੀ ਨਸ਼ੇ ਦੀ ਹਾਲਤ ਵਿੱਚ ਸੀ| ਪੁਲਿਸ ਨੇ ਮੌਕੇ ਵਾਲੀ ਥਾਂ ਤੇ ਪਹੁੰਚ ਕੇ ਮਾਮਲੇ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ|

ਕਣਕ ਦੀ ਖ਼ਰੀਦਦਾਰੀ ਲਈ ਕੀਤੇ ਜਾਣਗੇ ਪੁਖਤਾ ਪ੍ਰਬੰਧ ਅਤੇ ਕੋਈ ਮੁਸ਼ਕਿਲ ਨਹੀਂ ਹੋਵੇਗੀ-ਬਾਦਲ

ਸ੍ਰੀ ਮੁਕਤਸਰ ਸਾਹਿਬ ਦੌਰੇ ਦੌਰਾਨ ਪੰਜਾਬ ਦੇ ਮੁੱਖ ਮੰਤਰੀ ਸ: ਪ੍ਰਕਾਸ਼ ਸਿੰਘ ਬਾਦਲ ਨੇ ਸੰਗਤ ਦਰਸ਼ਨ ਦੇ ਤੀਜੇ ਦਿਨ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਲੰਬੀ ਹਲਕੇ ਦੇ ਪਿੰਡਾਂ ਧੌਲ਼ਾ, ਥਰਾਜਵਾਲਾ, ਲਾਲ ਬਾਈ, ਚੰਨੂੰ, ਬੀਦੋਵਾਲੀ, ਮਾਨ ਆਦਿ ਵਿਚ ਸੰਗਤ ਦਰਸ਼ਨ ਕਰਕੇ ਉਥੋਂ ਦੇ  ਲੋਕਾਂ ਦੀਆਂ ਮੁਸ਼ਕਲਾਂ ਸੁਣੀਆਂ| ਉਹਨਾਂ ਨੇ ਵਿਕਾਸ ਕਾਰਜਾਂ ਲਈ ਗਰਾਂਟਾਂ ਜਾਰੀ ਕੀਤੀਆਂ| ਸ: ਬਾਦਲ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦਿਆਂ ਕਿਹਾ ਕਿ ਕਣਕ ਦੀ ਖ਼ਰੀਦ ਸਬੰਧੀ ਪੰਜਾਬ ਸਰਕਾਰ ਨੇ ਪੁਖ਼ਤਾ ਪ੍ਰਬੰਧ ਕੀਤੇ ਹਨ ਅਤੇ ਕਣਕ ਦੀ ਖ਼ਰੀਦ ਵਿਚ ਕੋਈ ਮੁਸ਼ਕਿਲ ਨਹੀਂ ਆਉਣ ਦਿੱਤੀ ਜਾਵੇਗੀ| ਉਨ੍ਹਾਂ ਕਿਹਾ ਕਿ ਅਕਾਲੀ ਭਾਜਪਾ ਸਰਕਾਰ ਸੂਬੇ ਦਾ ਸਰਬਪੱਖੀ ਵਿਕਾਸ ਕਰਵਾ ਰਹੀ ਹੈ, ਜਦ ਕਿ ਕਾਂਗਰਸ ਅਤੇ ਆਮ ਆਦਮੀ ਪਾਰਟੀ ਕੋਲ ਕੋਈ ਮੁੱਦਾ ਨਹੀਂ ਸਿਰਫ਼ ਬਿਆਨਬਾਜ਼ੀ ਕਰਕੇ ਲੋਕਾਂ ਨੂੰ ਗੁਮਰਾਹ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਨ|

ਪੱਤਰਕਾਰਾਂ ਵੱਲੋਂ ਐਮ.ਪੀ. ਭਗਵੰਤ ਮਾਨ ਦੀ ਬਰਨਾਲਾ ਪ੍ਰੈੱਸ ਕਾਨਫ਼ਰੰਸ ਦਾ ਬਾਈਕਾਟ

ਅੱਜ ਬਰਨਾਲਾ ਵਿਖੇ ਜ਼ਿਲ੍ਹਾ ਪੱਧਰੀ ਵਿਜੀਲੈਂਸ ਮੋਨੀਟਰਿੰਗ ਕਮੇਟੀ ਦੀ ਮੀਟਿੰਗ ਪੱਤਰਕਾਰਾਂ ਨੂੰ ਪ੍ਰਸ਼ਾਸਨ ਵੱਲੋਂ ਏਜੰਡੇ ਦੀਆਂ ਕਾਪੀਆਂ ਮੁਹੱਈਆ ਨਾ ਕਰਵਾਉਣ ਤੇ ਪੱਤਰਕਾਰਾਂ ਵਲੋਂ ਭਗਵੰਤ ਮਾਨ ਨੂੰ ਸ਼ਿਕਾਇਤ ਕਰਨ ਤੇ ਰੁੱਖੇਪਣ ਦਾ ਇਜਹਾਰ ਕੀਤਾ, ਜਿਸ ਕਾਰਣ ਪੱਤਰਕਾਰ ਨਾਰਾਜ ਹੋ ਗਏ ਅਤੇ ਲੋਕ ਸਭਾ ਮੈਂਬਰ ਭਗਵੰਤ ਮਾਨ ਦੀ ਪ੍ਰੈੱਸ ਕਾਨਫ਼ਰੰਸ ਦਾ ਪੱਤਰਕਾਰਾਂ ਵੱਲੋਂ ਬਾਈਕਾਟ ਕਰ ਦਿੱਤਾ ਗਿਆ | ਮੀਟਿੰਗ ਸ਼ੁਰੂ ਹੋਣ ਤੋਂ ਪਹਿਲਾਂ ਜਦੋਂ ਪੱਤਰਕਾਰਾਂ ਨੇ ਮਾਨ ਨੂੰ ਪ੍ਰਸ਼ਾਸਨ ਵੱਲੋਂ ਏਜੰਡੇ ਦੀਆਂ ਕਾਪੀਆਂ ਮੁਹੱਈਆ ਨਾ ਕਰਵਾਉਣ ਸਬੰਧੀ ਦੱਸਿਆ ਗਿਆ ਤਾਂ ਮਾਨ ਨੇ ਪੱਤਰਕਾਰਾਂ ਦੀ ਗੱਲ ਸੁਣਨ ਦੀ ਬਜਾਏ ਉਹਨਾਂ  ਨਾਲ ਰੁੱਖਾ ਵਿਵਹਾਰ ਕੀਤਾ , ਜਿਸ 'ਤੇ ਸਾਰੇ ਪੱਤਰਕਾਰ ਮੀਟਿੰਗ ਵਿਚੋਂ ਬਾਹਰ ਆ ਗਏ ਅਤੇ ਐਮ.ਪੀ. ਭਗਵੰਤ ਮਾਨ ਦੀ ਪ੍ਰੈੱਸ ਕਾਨਫ਼ਰੰਸ ਦਾ ਬਾਈਕਾਟ ਕਰਨ ਦਾ ਫ਼ੈਸਲਾ ਕੀਤਾ ਗਿਆ|

80 ਸਾਲ ਦੀ ਬਜ਼ੁਰਗ ਔਰਤ ਨਾਲ ਇੱਕ ਨੌਜਵਾਨ ਨੇ ਕੀਤਾ ਜਬਰ ਜਨਾਹ

ਸਮਾਜ ਅਤੇ ਇਨਸਾਨੀਅਤ ਦੀ ਗਿਰਾਵਟ ਦਾ ਇੱਕ ਹੋਰ ਰੂਪ ਅੱਜ ਥਾਣਾਂ ਅਜਨਾਲਾ ਦੇ ਸਰਹੱਦੀ ਪਿੰਡ ਬੱਲੜਵਾਲ ਵਿਖੇ ਦੇਖਣ ਸੁਣਨ ਨੂੰ ਮਿਲਿਆ ਜਿਸ ਨਾਲ ਨੇ ਮਨੁੱਖਤਾ ਨੂੰ ਇੱਕ ਵਾਰ ਫਿਰ ਸ਼ਰਮਸਾਰ ਕਰ ਦਿੱਤਾ ਇੱਥੋਂ ਦੇ ਇਕ ਨੌਜਵਾਨ ਵੱਲੋਂ ਗੁਆਂਢ ਰਹਿੰਦੀ 80 ਸਾਲ ਦੇ ਕਰੀਬ ਉਮਰ ਦੀ ਬਜ਼ੁਰਗ ਔਰਤ ਨਾਲ ਜਬਰ ਜ਼ਿਨਾਹ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ|ਇਸ ਸੰਬੰਧ ਚ ਜਾਣਕਾਰੀ ਦਿੰਦਿਆਂ ਡੀ.ਐੱਸ.ਪੀ ਅਜਨਾਲਾ ਸ੍ਰੀ ਤਿਲਕ ਰਾਜ ਅਤੇ ਐੱਸ.ਐੱਚ.ਓ ਜਗਬੀਰ ਸਿੰਘ ਔਲ਼ਖ ਨੇ ਦੱਸਿਆ ਕਿ ਜੀਤੋ ( ਕਾਲਪਨਿਕ ਨਾਂ) ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਦੱਸਿਆ ਕਿ ਉਸਦਾ ਸਾਰਾ ਪਰਿਵਾਰ ਜਲੰਧਰ ਵਾਲੀ ਸਾਈਡ 'ਤੇ ਮਿਹਨਤ ਮਜ਼ਦੂਰੀ ਕਰਨ ਗਿਆ ਸੀ ਤੇ ਬੀਤੀ 22 ਫਰਵਰੀ ਨੂੰ ਉਹ ਘਰ ਵਿਚ ਇਕੱਲੀ ਸੀ ਤੇ ਰਾਤ ਦੇ 10 ਵਜੇ ਦੇ ਕਰੀਬ ਬਲਵਿੰਦਰ ਮਸੀਹ ਉਰਫ਼ ਬਿੰਦਰ ਵਾਸੀ ਮਾਲੇਵਾਲ ਜੋ ਕਿ ਆਪਣੇ ਜੀਜੇ ਧੀਰੋ ਮਸੀਹ ਕੋਲ ਰਹਿੰਦਾ ਹੈ ਨੇ ਜ਼ਬਰਦਸਤੀ ਮੇਰੇ ਨਾਲ 2 ਵਾਰ ਜਬਰ ਜ਼ਿਨਾਹ ਕੀਤਾ | ਡੀ.ਐੱਸ.ਪੀ ਤਿਲਕ ਰਾਜ ਅਤੇ ਐੱਸ.ਐੱਚ.ਓ ਜਗਬੀਰ ਸਿੰਘ ਔਲਖ ਨੇ ਦੱਸਿਆ ਕਿ ਪੀੜਤ ਜੀਤੋ (ਕਾਲਪਨਿਕ ਨਾਂ) ਦੇ ਬਿਆਨਾਂ ਤੇ ਬਲਵਿੰਦਰ ਮਸੀਹ ਉਰਫ਼ ਬਿੰਦਰ ਪੁੱਤਰ ਧੀਰਾ ਮਸੀਹ ਵਾਸੀ ਮਾਲੇਵਾਲ ਖਿਲਾਫ ਥਾਣਾ ਅਜਨਾਲਾ ਵਿਖੇ ਮੁਕੱਦਮਾ ਦਰਜ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ|

Copyright © 2012 Calgary Indians All rights reserved. Terms & Conditions Privacy Policy