ਦੁਨੀਆਂ
ਭੇਡਾਂ ਦੀ ਸਵਾਰੀ ਕਰਕੇ ਖਰਗੋਸ਼ਾਂ ਬਚਾਈ ਜਾਨ

ਕੁਦਰਤ ਮਾਰੇ-ਕੁਦਰਤ ਜੀਵਾਵੇ

ਔਕਲੈਂਡ 25 ਜੁਲਾਈ (ਹਰਜਿੰਦਰ ਸਿੰਘ ਬਸਿਆਲਾ)-ਕੁਦਰਤਾ ਦਾ ਪਸਾਰਾ ਐਨਾ ਹੈ ਕਿ ਉਸਦਾ ਅੰਤ ਨਹੀਂ ਪਾਇਆ ਜਾ ਸਕਦਾ। ਬਹੁਤ ਵਾਰੀ ਕੁਦਰਤੀ ਆਫ਼ਤਾਂ ਜੀਵਾਂ ਨੂੰ ਮਾਰਨ ਤੱਕ ਜਾਂਦੀਆਂ ਹਨ ਅਤੇ ਕਦੇ ਉਸੀ ਸਮੇਂ ਕਿਸੇ ਨੂੰ ਜੀਵਤ ਰੱਖਣ ਲਈ ਵੀ ਵਿਧੀ ਵੀ ਕੁਦਰਤ ਆਪ ਹੀ ਬਣਾ ਦਿੰਦੀ ਹੈ। ਅਜਿਹਾ ਹੀ ਵਾਕਿਆ ਹੋਇਆ ਨਿਊਜ਼ੀਲੈਂਡ ਦੇ ਸ਼ਹਿਰ ਓਟਾਗੇ ਲਾਗੇ। ਬੀਤੇ ਦਿਨੀਂ ਜਦੋਂ ਇਥੇ ਭਾਰੀ ਹੜ੍ਹਾਂ ਨਾਲ ਜਨ-ਜੀਵਨ ਵਿਅਸਤ ਹੋ ਗਿਆ ਤਾਂ ਉਥੇ ਵਸਦੇ ਜਾਨਵਰ ਅਤੇ ਪਾਲਤੂ ਪਸ਼ੂ ਵੀ ਇਸਦੀ ਮਾਰ ਹੇਠ ਆਏ। ਇਸ ਦੌਰਾਨ ਇਕ ਕਿਸਾਨ ਨੇ ਸਵੇਰੇ ਉਠ ਕੇ ਵੇਖਿਆ ਕਿ ਉਸਦੇ ਇਕ ਗੁਆਂਢੀ ਮਿੱਤਰ ਦੀਆਂ ਭੇਡਾਂ ਬੜੀ ਤਰਸਯੋਗ ਹਾਲਤ ਵਿਚ ਹਨ। ਉਹ ਕੀ ਵੇਖਦਾ ਕਿ ਭੇਡਾਂ ਦੇ ਉਪਰ ਉਸਨੂੰ ਇੰਝ ਲੱਗਿਆ ਜਿਵੇਂ ਉਹ ਡੂੰਘੇ ਪਾਣੀ ਵਿਚੋਂ ਨਿਕਲ ਕੇ ਬਚੀਆਂ ਹੋਣ ਅਤੇ ਉਨ੍ਹਾਂ ਦੇ ਸਰੀਰ ਉਤੇ ਕੱਖ-ਕੰਡੇ ਲੱਗੇ ਹੋਣ। ਜਦੋਂ ਉਸਨੇ ਨੇੜੇ ਹੋ ਕੇ ਵੇਖਿਆ ਤਾਂ ਪਾਇਆ ਕਿ ਤਿੰਨ ਖਰਗੋਸ਼ ਭੇਡਾਂ ਦੀ ਪਿੱਠ ਉਤੇ ਬੈਠੇ ਹੋਏ ਸਨ। ਕਿਸਾਨੀ ਦੇ ਵਿਚ ਖਰਗੋਸ਼ਾਂ ਨੂੰ ਇਥੇ ਫਸਲਾਂ ਲਈ ਨੁਕਸਾਨਦਾਇਕ ਮੰਨਿਆ ਜਾਂਦੇ ਹੋਣ ਦੇ ਬਾਵਜੂਦ ਇਸ ਕਿਸਾਨ ਨੇ ਇਨ੍ਹਾਂ ਉਤੇ ਤਰਸ ਕਰਦਿਆਂ ਇਨ੍ਹਾਂ ਨੂੰ ਜੀਵਤ ਰੱਖਣ ਲਈ ਮਨ ਬਣਾਇਆ। ਸੋ 'ਕੁਦਰਤ ਮਾਰੇ-ਕੁਦਰਤ ਜੀਵਾਵੇ'

ਜਰਮਨੀ ਦਾ ਨਵਾਂ ਕਾਨੂੰਨ: ਸੋਸ਼ਲ ਮੀਡੀਆ ਤੋ ਭੜਕਾਊ ਬਿਆਨ ਨਾਂ ਹਟਾਉਣ ਤੇ 5 ਕਰੋੜ ਯੂਰੋ ਦਾ ਹੋਵੇਗਾ ਜੁਰਮਾਨਾ

ਜਰਮਨੀ ਨੇ ਇੱਕ ਅਜਿਹੇ ਕਾਨੂੰਨ ਨੂੰ ਮਨਜ਼ੂਰੀ ਦਿੱਤੀ ਹੈ ਜਿਸ ਦੇ ਤਹਿਤ ਫੇਸਬੁੱਕ ਜਾਂ ਟਵਿੱਟਰ ਵਰਗੇ ਸੋਸ਼ਲ ਮੀਡੀਆ ਤੇ ਕੋਈ ਉਕਸਾਊ ਬਿਆਨ ਜਾਂ ਵੀਡੀਓ ਆਪਣੇ ਅਕਾਉਂਟ  ਤੋਂ ਨਹੀਂ ਹਟਾਉਂਦੇ ਤਾਂ ਉਨ੍ਹਾਂ ਖ਼ਿਲਾਫ਼ ਜ਼ਾਬਤਾ ਕਾਰਵਾਈ ਹੋਵੇਗੀ ਜਿਸ ਦੇ ਤਹਿਤ ਉਨ੍ਹਾਂ ਨੂੰ 5 ਕਰੋੜ ਯੂਰੋ ਤਕ ਜੁਰਮਾਨਾ ਕੀਤਾ ਜਾ ਸਕਦਾ ਹੈ।
ਇਸ ਕਾਨੂੰਨ ਨੂੰ ਨੈੱਟਵਰਕ ਐਨਫੋਰਸਮੈਂਟ ਐਕਟ ਦਾ ਨਾਂ ਦਿੱਤਾ ਗਿਆ ਹੈ ਅਤੇ ਇਹ ਅਕਤੂਬਰ ਤੋਂ ਲਾਗੂ ਹੋ ਜਾਵੇਗਾ। ਜੇਕਰ ਇਹ ਇਸ ਕਿਸਮ ਦਾ ਕਾਨੂੰਨ ਲਾਗੂ ਕਰਦਾ ਹੈ ਤਾਂ ਦੁਨੀਆਂ ਦੇ ਹੋਰ ਬਹੁਤ ਸਾਰੇ ਮੁਲਕਾਂ ਨੂੰ ਵੀ ਉਸ ਦੀ ਨਕਲ ਕਰਨ ਵਿੱਚ ਝਿਜਕ ਮਹਿਸੂਸ ਨਹੀਂ ਹੋਵੇਗੀ।
ਜਰਮਨ ਚਾਂਸਲਰ ਏਂਜਲਾ ਮਰਕਲ ਨੇ ਇਹ ਕਾਨੂੰਨ ਦੇਸ਼ ਵਿੱਚ ਗ਼ੈਰ-ਯੂਰੋਪੀਅਨ ਆਵਾਸੀਆਂ ਖ਼ਿਲਾਫ਼ ਗਾਲੀ-ਗਲੋਚ ਰੋਕਣ ਅਤੇ ਨਾਜ਼ੀ-ਪੱਖੀ ਵਿਚਾਰਾਂ ਦੇ ਖੁੱਲ੍ਹੇਆਮ ਪ੍ਰਗਟਾਵੇ ਨੂੰ ਨੱਥ ਪਾਉਣ ਲਈ ਬਣਵਾਇਆ ਹੈ।
 

ਮੱਕਾ ਵਿੱਚ ਅੱਤਵਾਦੀ ਹਮਲਾ ਟਲਿਆ: ਧਮਾਕੇ ‘ਚ 11 ਲੋਕ ਜ਼ਖਮੀ

ਮੱਕਾ ਵਿੱਚ ਕਾਬਾ ਦੀ ਪਵਿੱਤਰ ਮਸਜਿਦ ਨੂੰ ਨਿਸ਼ਾਨਾ ਬਣਾਉਣ ਦੀ ਇੱਕ ਅੱਤਵਾਦੀ ਯੋਜਨਾ ਨੂੰ ਨਾਕਾਮ ਕੀਤਾ ਗਿਆ  ਹੈ। ਸੁਰੱਖਿਆ ਬਲਾਂ ਨੇ ਇੱਕ ਆਤਮਘਾਤੀ ਹਮਲਾਵਰ ਨੂੰ ਉਸ ਵਖਤ ਘੇਰ ਲਿਆ ਜਦੋਂ ਉਹ ਇੱਕ ਰਿਹਾਇਸ਼ੀ ਇਮਾਰਤ ਵਿੱਚ ਸਨ। ਜਿਸ ਦੇ ਬਾਅਦ ਉਸ ਨੇ ਖ਼ੁਦ ਨੂੰ ਉਡਾ ਲਿਆ। ਇਮਾਰਤ ਦੇ ਢਹਿਣ ਨਾਲ ਪੰਜ ਸੁਰੱਖਿਆ ਮੁਲਾਜ਼ਮਾਂ ਸਮੇਤ 6 ਵਿਦੇਸ਼ੀ ਤੀਰਥ ਯਾਤਰੀ ਜ਼ਖਮੀ ਹੋ ਗਏ ਹਨ।
ਰਮਜ਼ਾਨ ਦੇ ਆਖ਼ਰੀ ਵਖਤ ਵਿੱਚ ਦੁਨੀਆ ਭਰ ਤੋਂ ਲੱਖਾਂ ਮੁਸਲਮਾਨ ਮੱਕਾ ਪਹੁੰਚੇ ਹੋਏ ਹਨ।
ਗ੍ਰਹਿ ਮੰਤਰਾਲਾ ਦੇ ਬੁਲਾਰੇ ਨੇ ਸਾਊਦੀ ਟੈਲੀਵਿਜ਼ਨ ਨੂੰ ਦੱਸਿਆ ਕਿ ਪੁਲਿਸ ਨੇ ਅੱਤਵਾਦੀਆਂ ਦੀ ਸਾਜ਼ਿਸ਼ ਨੂੰ ਨਾਕਾਮ ਕਰ ਦਿੱਤਾ ਹੈ।

 

ਭਾਰਤੀ ਮੂਲ ਦਾ ਸਮਲਿੰਗੀ ਮੰਤਰੀ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੌੜ `ਚ

ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੌੜ 'ਚ ਭਾਰਤੀ ਮੂਲ ਦਾ ਇਕ ਡਾਕਟਰ ਸਭ ਤੋਂ ਅੱਗੇ ਹੈ, ਜੋ ਆਇਰਲੈਂਡ ਦਾ ਪਹਿਲਾ ਸਮਲਿੰਗੀ ਮੰਤਰੀ ਵੀ ਹੈ। ਡਬਲਿਨ 'ਚ ਜਨਮੇ ਲਿਓ ਵਰਾਡਕਰ  ਦੇ ਪਿਤਾ ਦਾ ਜਨਮ ਮੁੰਬਈ 'ਚ ਹੋਇਆ ਸੀ, ਜਦਕਿ ਉਸਦੀ ਮਾਂ ਆਇਰਿਸ਼ ਮੂਲ ਦੀ ਹੈ।
ਉਹ ਦੇਸ਼ ਦਾ ਪਹਿਲਾ ਸਮਲਿੰਗੀ ਪ੍ਰਧਾਨ ਮੰਤਰੀ ਬਣ ਸਕਦਾ ਹੈ।
 

ਭਾਰਤੀ ਮੂਲ ਦਾ ਸਮਲਿੰਗੀ ਮੰਤਰੀ ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੌੜ `ਚ

ਆਇਰਲੈਂਡ ਦੇ ਪ੍ਰਧਾਨ ਮੰਤਰੀ ਅਹੁਦੇ ਦੀ ਦੌੜ 'ਚ ਭਾਰਤੀ ਮੂਲ ਦਾ ਇਕ ਡਾਕਟਰ ਸਭ ਤੋਂ ਅੱਗੇ ਹੈ, ਜੋ ਆਇਰਲੈਂਡ ਦਾ ਪਹਿਲਾ ਸਮਲਿੰਗੀ ਮੰਤਰੀ ਵੀ ਹੈ। ਡਬਲਿਨ 'ਚ ਜਨਮੇ ਲਿਓ ਵਰਾਡਕਰ  ਦੇ ਪਿਤਾ ਦਾ ਜਨਮ ਮੁੰਬਈ 'ਚ ਹੋਇਆ ਸੀ, ਜਦਕਿ ਉਸਦੀ ਮਾਂ ਆਇਰਿਸ਼ ਮੂਲ ਦੀ ਹੈ।
ਉਹ ਦੇਸ਼ ਦਾ ਪਹਿਲਾ ਸਮਲਿੰਗੀ ਪ੍ਰਧਾਨ ਮੰਤਰੀ ਬਣ ਸਕਦਾ ਹੈ।
 

ਉਮਰਾਂ `ਚ ਕੀ ਰੱਖਿਆ : 82 ਸਾਲਾ ਮਾਤਾ ਨੇ 28 ਸਾਲਾ ਮੁੰਡੇ ਨਾਲ ਵਿਆਹ ਰਚਾ ਜੀਵਨ `ਚ ਰੌਣਕ ਲਿਆਂਦੀ


ਆਕਲੈਂਡ,   22 ਫਰਵਰੀ (ਹਰਜਿੰਦਰ ਸਿੰਘ ਬਸਿਆਲਾ)-ਗੱਲ ਦਿਲ ਮਿਲਿਆ ਦੀ ਹੋਵੇ ਤਾਂ ਫਿਰ ਉਮਰ ਕੋਈ ਅੜਿੱਕਾ ਨਹੀਂ ਬਣਦੀ। ਵਿਰਲੇ ਹੁੰਦੇ ਹਨ ਜਿਹੜੇ ਲੋਕ ਲੱਜਾ ਦੀ ਪ੍ਰਵਾਹ ਕੀਤੇ ਬਗੈਰ ਉਹ ਕੁਝ ਕਰ ਜਾਂਦੇ ਹਨ ਜਿਨ੍ਹਾਂ ਦੇ ਚੰਗੇ ਜਾਂ ਮਾੜੇ ਹੋਣ ਦੀ ਗੁਣਾ ਤਕਸੀਮ ਸਾਲਾਂ ਤੱਕ ਹੁੰਦੀ ਰਹਿੰਦੀ ਹੈ। ਗੱਲ ਇੰਡੋਨੇਸ਼ੀਆ ਦੇ ਇਕ ਜੋੜੇ ਦੀ ਹੈ। ਇਕ 82 ਸਾਲਾ ਮਾਤਾ (ਮਰਾਥਾ ਪੋਟੂ) ਜੋ ਕਿ ਵਿਧਵਾ ਸੀ ਕੋਲੋਂ ਗਲਤੀ ਨਾਲ ਕਿਸੇ 28 ਸਾਲਾ ਮੁੰਡੇ (ਸੋਫੀਅਨ ਲੋਹੋ) ਨੂੰ ਫੋਨ ਲੱਗ ਗਿਆ। ਗੈਰਾਜ਼ ਮੈਨਕੇਨਿਕ ਦਾ ਕੰਮ ਕਰਦੇ ਇਸ ਮੁੰਡੇ ਨੂੰ ਇਸ ਮਾਤਾ ਦੀ ਆਵਾਜ਼ ਬਹੁਤ ਪਸੰਦ ਆਈ। ਉਨ੍ਹਾਂ ਦੋਹਾਂ ਨੇ ਇਕ ਦੂਜੇ ਨੂੰ ਮਿਲਣਾ ਚਾਹਿਆ। ਜਦੋਂ ਇਹ ਮੁੰਡਾ ਇਸ ਮਾਤਾ ਦੇ ਘਰ ਗਿਆ ਤਾਂ ਘੰਟੀ ਖੜਕਾਉਣ ਉਤੇ ਇਕ 54 ਸਾਲਾ ਔਰਤ ਨੇ ਉਸਦਾ ਸਵਾਗਤ ਕੀਤਾ। ਇਸ ਔਰਤ ਨੇ 82 ਸਾਲਾ ਮਰਾਥਾ ਪੋਟੂ ਬਾਰੇ ਸਾਰੀ ਕਹਾਣੀ ਦੱਸੀ ਕਿ ਉਸਦੇ ਦੋ ਬੱਚੇ ਸਨ ਜੋ ਕਿ ਕੰਮ ਵਾਸਤੇ ਬਾਹਰ ਹਨ, ਉਸਦਾ ਪਤੀ ਮਰ ਗਿਆ ਹੈ ਅਤੇ ਇਹ ਇਕੱਲੀ ਰਹਿੰਦੀ ਹੈ। ਉਸਨੂੰ ਇਹ ਇਕੱਲ ਚੰਗਾ ਨਹੀਂ ਲਗਦਾ। ਇਸ ਮੁੰਡੇ ਦੇ ਦਿਲ ਵਿਚ ਐਸਾ ਪਿਆਰ ਜਾਗਿਆ ਕਿ ਲੰਘੀ 18 ਫਰਵਰੀ ਨੂੰ ਉਨ੍ਹਾਂ ਆਪਸ ਵਿਚ ਵਿਆਹ ਕਰ ਲਿਆ। ਇਸ ਮੁੰਡੇ ਦਾ ਇਹ ਪਹਿਲੀ ਡੇਟ ਸੀ ਜੋ ਕਿ ਇਕ ਨਵਾਂ ਹੀ ਤਜ਼ਰਬਾ ਦੇ ਗਈ। ਦੋਹਾਂ ਪਰਿਵਾਰਾਂ ਦੇ ਮੈਂਬਰਾਂ ਨੇ ਵੀ ਆਪਸੀ ਸਹਿਮਤੀ ਦੇ ਦਿੱਤੀ। ਇਸ ਮੁੰਡੇ ਦੀ 60 ਸਾਲਾ ਮਾਂ ਨੇ ਕਿਹਾ ਕਿ ਉਨ੍ਹਾਂ ਨੂੰ ਨਹੀਂ ਪਤਾ ਸੀ ਕਿ ਉਸਦੇ ਮੁੰਡੇ ਨੇ ਦਾਦੀ ਦੀ ਉਮਰ ਦੀ ਆਪਣੀ ਸਾਥਣ ਲੱਭੀ ਹੈ। ਉਸ ਨੇ ਉਮਰ ਲਕੋਅ ਕੇ ਰੱਖੀ ਸੀ। ਇਸ ਜੋੜੇ ਦੀ ਪੂਰੇ ਦੇਸ਼ ਦੇ ਵਿਚ ਚਰਚਾ ਹੋ ਗਈ ਜਦੋਂ ਇਸਦੇ ਵਿਆਹ ਦੀ ਤਸਵੀਰ ਇਕ ਰਿਸ਼ਤੇਦਾਰ ਨੇ ਇੰਟਰਨੈਟ ਉਤੇ ਪਾ ਦਿੱਤੀ।

ਅਮਰੀਕਾ `ਚ ਭਾਰਤੀ ਕਾਮਿਆਂ ਲਈ ਬੁਰੀ ਖ਼ਬਰ

 ਰਾਸ਼ਟਰਪਤੀ ਡੋਨਲਡ ਟਰੰਪ ਨੇ H1B ਤੇ L1 ਵੀਜ਼ਾ ਸਮੇਤ ਇੰਮੀਗ੍ਰੇਸ਼ਨ ਸਮੇਤ ਰੀਫੋਰਮ ਉੱਤੇ ਉਨ੍ਹਾਂ ਦੀ ਟੀਮ ਵੱਲੋਂ ਤਿਆਰ ਕੀਤੇ ਗਏ ਨਵੇਂ ਡਰਾਫ਼ਟ ਉੱਤੇ ਦਸਤਖ਼ਤ ਕਰਨ ਦੀ ਤਿਆਰੀ ਕਰ ਲਈ ਹੈ।

H1B ਤੇ L1 ਵੀਜ਼ਾ ਉੱਤੇ ਭਾਰਤੀ ਆਈ.ਟੀ. ਮਾਹਿਰ ਅਮਰੀਕਾ ਵਿੱਚ ਜਾ ਕੇ ਕੰਮ ਕਰਦੇ ਹਨ। ਰਾਸ਼ਟਰਪਤੀ ਟਰੰਪ ਦੇ ਆਦੇਸ਼ ਤੋਂ ਬਾਅਦ ਵਿਪਰੋ ਤੇ ਹੋਰ ਭਾਰਤੀ ਆਈ.ਟੀ. ਕੰਪਨੀਆਂ ਵਿੱਚ ਕੰਮ ਕਰ ਰਹੇ ਭਾਰਤੀ ਆਈ.ਟੀ. ਮਾਹਿਰਾਂ ਦੀ ਨੌਕਰੀ ਉੱਤੇ ਖ਼ਤਰਾ ਖੜ੍ਹਾ ਹੋ ਸਕਦਾ ਹੈ। ਵ੍ਹਾਈਟ ਹਾਊਸ ਦੇ ਅਫ਼ਸਰਾਂ ਦੀ ਗੱਲ ਮੰਨੀਏ ਤਾਂ ਟਰੰਪ ਪ੍ਰਾਸ਼ਸਨ ਇਹ ਸਭ ਤੋਂ ਵੱਡਾ ਇਮੀਗ੍ਰੇਸ਼ਨ ਸੁਧਾਰ ਕਰਨ ਜਾ ਰਿਹਾ ਹੈ। ਕਾਨੂੰਨ ਬਣਨ ਤੋਂ ਪਹਿਲਾਂ ਹੀ ਡਰਾਫ਼ਟ ਕੁਝ ਵੈੱਬਸਾਈਟਾਂ ਉੱਤੇ ਲੀਕ ਵੀ ਹੋਇਆ ਹੈ।
ਇਸ ਤਹਿਤ ਨਾ ਕੇਵਲ H-1B ਤੇ L1 ਵੀਜ਼ਾ ਪ੍ਰੋਗਰਾਮ ਵਿੱਚ ਕਟੌਤੀ ਕੀਤੀ ਜਾਵੇਗੀ ਸਗੋਂ ਪਤੀ/ਪਤਨੀ ਨੂੰ ਇਸ ਤਹਿਤ ਕੋਈ ਵਰਕ ਵੀਜ਼ਾ ਨਹੀਂ ਦਿੱਤਾ ਜਾਵੇਗਾ। ਇਸ ਪ੍ਰੋਗਰਾਮ ਨੂੰ ਓਬਾਮਾ ਪ੍ਰਸ਼ਾਸਨ ਨੇ ਸ਼ੁਰੂ ਕੀਤਾ ਸੀ।
ਇਸ ਤੋਂ ਪਹਿਲਾਂ ਟਰੰਪ ਨੇ ਓਬਾਮਾ ਪ੍ਰਸ਼ਾਸਨ ਦੇ ਹੈਲਥ ਕੇਅਰ ਪ੍ਰੋਗਰਾਮ ਨੂੰ ਰੱਦ ਕਰ ਦਿੱਤਾ ਸੀ। ਵਾਈਟ ਹਾਊਸ ਦੇ ਪ੍ਰੈੱਸ ਸਕੱਤਰ ਸ਼ਾਨ ਸਪਾਈਸਰ ਦੇ ਅਨੁਸਾਰ “H-1B ਤੇ ਦੂਜੇ ਵੀਜ਼ਾ ਪ੍ਰੋਗਰਾਮ ਤਹਿਤ ਇਮੀਗ੍ਰੇਸ਼ਨ ਸੁਧਾਰ ਵਿੱਚ ਬਦਲਾਅ ਕੀਤਾ ਜਾ ਰਿਹਾ ਹੈ। ਆਦੇਸ਼ ਆਉਣ ਤੋਂ 90 ਦਿਨਾਂ ਬਾਅਦ ਹੋਮਲੈਂਡ ਸੁਰੱਖਿਆ ਮੰਤਰੀ ਅਮਰੀਕਾ ਵਿੱਚ ਕੰਮ ਕਰ ਰਹੇ ਵਿਦੇਸ਼ੀ ਕਾਮਿਆਂ ਦਾ ਰਿਵਿਊ ਕਰੇਗਾ।

ਚਿਲੀ `ਚ ਭੁਚਾਲ ਦੇ ਝਟਕੇ, ਸੁਨਾਮੀ ਦੀ ਚਿਤਾਵਨੀ ਜਾਰੀ

ਚਿਲੀ ਦੇ ਦੱਖਣ 'ਚ ਐਤਵਾਰ ਨੂੰ ਭੁਚਾਲ ਦੇ ਤੇਜ਼ ਝਟਕੇ ਮਹਿਸੂਸ ਕੀਤੇ ਗਏ। ਭੂਚਾਲ ਦੀ ਤੀਬਰਤਾ 7.7 ਸੀ। ਭੂਚਾਲ ਦਾ ਕੇਂਦਰ ਪਿਊਰਟੋ ਰੀਕੋ ਤੋਂ 225 ਕਿਲੋਮੀਟਰ ਦੂਰ ਦੱਖਣੀ ਪੱਛਮੀ 'ਚ ਧਰਤੀ ਦੀ ਸਤ੍ਹਾ ਤੋਂ 15 ਕਿਲੋਮੀਟਰ ਦੀ ਡੂੰਘਾਈ ਵਿੱਚ ਪਾਇਆ ਗਿਆ । ਚਿਲੀ ਦੇ ਅਧਿਕਾਰੀਆਂ ਨੇ ਸੁਨਾਮੀ ਦੀ ਚਿਤਾਵਨੀ ਜਾਰੀ ਕਰ ਦਿੱਤੀ ਹੈ ਅਤੇ ਨਾਲ ਹੀ ਦੱਖਣੀ ਇਲਾਕੇ ਦੇ ਲੋਕਾਂ ਨੂੰ ਜਗ੍ਹਾ ਖਾਲੀ ਕਰਨ ਦੇ ਆਦੇਸ਼ ਦੇ ਦਿੱਤੇ ਹਨ।

ਬੰਗਲਾਦੇਸ਼ ਵੀ ਸਾਰਕ ਸੰਮੇਲਨ ਵਿੱਚੋਂ ਪਿੱਛੇ ਹਟਿਆ

ਪਾਕਿਸਤਾਨ ਵਿੱਚ ਹੋਣ ਵਾਲੇ ਸਾਰਕ ਸੰਮੇਲਨ ਵਿੱਚੋਂ  ਭਾਰਤ ਵੱਲੋਂ  ਭਾਗ ਨਾ ਲੈਣ ਦੇ ਐਲਾਨ ਮਗਰੋਂ  ਬੰਗਲਾਦੇਸ਼ ਨੇ ਵੀ ਕਿਹਾ ਕਿ ਉਹ  ਇਸ ਸੰਮੇਲਨ ਵਿੱਚ ਸ਼ਾਮਿਲ ਨਹੀਂ ਹੋਵੇਗਾ। ਬੰਗਲਾਦੇਸ਼ ਦੀ ਪ੍ਰਧਾਨ ਮੰਤਰੀ ਦੇ ਮੀਡੀਆ ਸਲਾਹਕਾਰ  ਇਕਬਾਲ ਸੋ਼ਭਨ ਚੌਧਰੀ ਨੇ   ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਹਨਾਂ ਕਿਹਾ ਕਿ  ਦੇਸ਼ ਵਿੱਚ ਕੁਝ ਘਰੇਲੂ ਪ੍ਰਸਥਿਤੀਆਂ ਕਾਰਨ  ਪਾਕਿਸਤਾਨ ਵਿੱਚ ਆਯੋਜਿਤ  ਹੋਣ ਵਾਲੇ ਸਾਰਕ ਸੰਮੇਲਨ ਵਿੱਚ ਭਾਗ ਨਹੀਂ ਲਵੇਗਾ।  ਭਾਰਤੀ ਵਿਦੇਸ਼ ਮੰਤਰਾਲੇ ਦੇ ਬੁਲਾਰੇ ਵਿਕਾਸ ਸਵਰੂਪ ਨੇ ਮੰਗਲਵਾਰ ਨੂੰ ਇੱਕ ਟਵੀਟ ਕੀਤਾ ਸੀ , ‘ ਖੇਤਰੀ ਸਹਿਯੋਗ ਅਤੇ ਅਤਿਵਾਦ ਇਕੱਠੇ ਨਹੀਂ ਚੱਲ ਸਕਦੇ। ਇਸ ਲਈ ਭਾਰਤ  ਇਸਲਾਮਾਬਾਦ  ਸੰਮੇਲਨ ਵਿੱਚ ਸ਼ਾਮਿਲ ਨਹੀਂ ਹੋਵੇਗਾ।’
ਇਸਲਾਮਾਬਾਦ ਵਿੱਚ  ਸਾਰਕ ਸੰਮੇਲਨ  9 ਅਤੇ 10 ਨਵੰਬਰ ਨੂੰ ਹੋਣਾ ਹੈ।

ਅੱਤਵਾਦ ਬਾਰੇ ਪਾਕਿਸਤਾਨ ਦਾ ਦੋਹਰਾ ਚਿਹਰਾ ਬੇਨਕਾਬ

 


ਵੈਂਜੂਏਲਾ
ਅੱਤਵਾਦ ਬਾਰੇ ਪਾਕਿਸਤਾਨ ਦਾ ਦੋਹਰਾ ਚਿਹਰਾ ਇੱਕ ਵਾਰ ਫੇਰ ਦੁਨੀਆ ਸਾਹਮਣੇ ਬੇਨਕਾਬ ਹੋ ਗਿਆ ਹੈ। ਵੈਂਜੂਏਲਾ 'ਚ ਗੁੱਟ-ਨਿਰਲੇਪ ਅੰਦੋਲਨ (ਨੈਮ) ਦੇ 17ਵੇਂ ਸੰਮੇਲਨ ਦੌਰਾਨ ਅੱਤਵਾਦ ਵਿਰੁੱਧ ਕਾਰਵਾਈ ਲਈ ਵਰਕਿੰਗ ਗਰੁੱਪ ਬਣਾਏ ਜਾਣ ਦੇ ਭਾਰਤ ਦੇ ਪ੍ਰਸਤਾਵ ਦਾ ਪਾਕਿਸਤਾਨ ਨੇ ਸਖ਼ਤ ਵਿਰੋਧ ਕੀਤਾ ਹੈ। ਰਿਪੋਰਟਾਂ ਮੁਤਾਬਕ ਨੈਮ ਦੇ ਕੂਟਨੀਤਕਾਂ ਨੇ ਕੌਮਾਂਤਰੀ ਪੱਧਰ 'ਤੇ ਅੱਤਵਾਦ ਵਿਰੁੱਧ ਕਾਰਵਾਈ ਲਈ ਵਰਕਿੰਗ ਗਰੁੱਪ ਬਣਾਏ ਜਾਣ ਦੀ ਦਿਸ਼ਾ ਵਿੱਚ ਗੱਲਬਾਤ ਕੀਤੀ ਤਾਂ ਪਾਕਿਸਤਾਨੀ ਪ੍ਰਤੀਨਿਧੀ ਤਸਲੀਮ ਅਸਲਮ ਨੇ ਇਕੱਲਿਆਂ ਹੀ ਇਸ ਤਜਵੀਜ਼ ਵਿਰੁੱਧ ਸਖ਼ਤ ਵਿਚਾਰ ਪੇਸ਼ ਕੀਤੇ। ਉਨ੍ਹਾਂ ਨੇ ਇਸ ਪ੍ਰਸਤਾਵ ਬਾਰੇ ਬਣੀ ਆਮ ਸਹਿਮਤੀ ਦੀ ਮੁਖਾਲਫ਼ਤ ਕੀਤੀ। ਨੈਮ ਵਿੱਚ ਭਾਰਤੀ ਵਫ਼ਦ ਦੀ ਅਗਵਾਈ ਵਿਦੇਸ਼ ਰਾਜ ਮੰਤਰੀ ਐਮ ਜੇ ਅਕਬਰ ਕਰ ਰਹੇ ਸਨ। ਗੁੱਟ ਨਿਰਲੇਪ ਸਿਖ਼ਰ ਸੰਮੇਲਨ ਵਿੱਚ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਗ਼ੈਰ ਮੌਜੂਦਗੀ ਨੂੰ ਤਵੱਜੋ ਨਾ ਦਿੰਦਿਆਂ ਉੱਪ ਰਾਸ਼ਟਰਪਤੀ ਹਾਮਿਦ ਅੰਸਾਰੀ ਨੇ ਕਿਹਾ ਕਿ ਭਾਰਤ ਦੀ ਵਿਦੇਸ਼ ਨੀਤੀ ਵਿੱਚ ਕੋਈ ਤਬਦੀਲੀ ਨਹੀਂ ਆਈ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਪ੍ਰਧਾਨ ਮੰਤਰੀਆਂ ਦਾ ਸੰਮੇਲਨ ਨਹੀਂ ਹੈ।
ਓਧਰ ਪਾਕਿਸਤਾਨੀ ਮੀਡੀਆ ਨੇ ਦਾਅਵਾ ਕੀਤਾ ਹੈ ਕਿ ਬਲੋਚਿਸਤਾਨ ਦੀ ਰਿਪਬਲੀਕਨ ਪਾਰਟੀ (ਬੀ ਆਰ ਪੀ) ਦੇ ਮੁਖੀ ਬ੍ਰਹਮਦਾਗ ਬੁਗਤੀ ਨੂੰ ਭਾਰਤੀ ਨਾਗਰਿਕਤਾ ਮਿਲ ਚੁੱਕੀ ਹੈ ਅਤੇ ਉਸ ਨੂੰ ਭਾਰਤੀ ਪਾਸਪੋਰਟ ਦਿੱਤਾ ਜਾ ਚੁੱਕਾ ਹੈ। ਇਸ ਬਾਰੇ ਬੁਗਤੀ ਅਤੇ ਭਾਰਤੀ ਅਧਿਕਾਰੀਆਂ ਵਿਚਾਲੇ ਲੰਮੇ ਸਮੇਂ ਤੋਂ ਗੱਲਬਾਤ ਚੱਲ ਰਹੀ ਸੀ। ਹਾਲਾਂਕਿ ਭਾਰਤੀ ਵਿਦੇਸ਼ ਮੰਤਰਾਲੇ ਨੇ ਪਾਕਿਸਤਾਨੀ ਮੀਡੀਆ ਦੇ ਇਸ ਦਾਅਵੇ ਨੂੰ ਰੱਦ ਕਰ ਦਿੱਤਾ ਹੈ। ਬੁਗਤੀ ਇਸ ਵੇਲੇ ਸਵਿੱਟਜ਼ਰਲੈਂਡ ਵਿੱਚ ਰਹਿ ਰਹੇ।
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 15 ਅਗਸਤ ਨੂੰ ਲਾਲ ਕਿਲ੍ਹੇ ਤੋਂ ਆਪਣੇ ਭਾਸ਼ਣ ਵਿੱਚ ਬਲੋਚਿਸਤਾਨ ਦਾ ਮੁੱਦਾ ਉਠਾਇਆ ਸੀ।
ਦੂਜੇ ਪਾਸੇ ਪ੍ਰਸਾਰ ਭਾਰਤੀ ਅਤੇ ਆਕਾਸ਼ਵਾਣੀ ਦੀ ਬਲੂਚੀ ਸੇਵਾ ਲਈ ਸ਼ੁੱਕਰਵਾਰ ਨੂੰ ਇੱਕ ਵੈਬਸਾਈਟ ਅਤੇ ਮੋਬਾਇਲ ਐਪ ਸ਼ੁਰੂ ਕੀਤਾ। ਇਸ ਸੰਬੋਧਨ ਰਾਹੀਂ ਦੁਨੀਆ ਭਰ ਵਿੱਚ ਇਸ ਭਾਸ਼ਾ ਨੂੰ ਬੋਲਣ ਵਾਲਿਆਂ ਤੱਕ ਪਹੁੰਚ ਬਣਾਈ ਜਾ ਸਕੇਗੀ। ਪਿਛਲੇ ਹਫ਼ਤੇ ਝੜਪਾਂ 'ਚ ਜ਼ਖ਼ਮੀ ਇੱਕ ਹੋਰ ਨੌਜਵਾਨ ਦੀ ਮੌਤ ਹੋ ਗਈ। ਇਸ ਦੇ ਨਾਲ 8 ਜੁਲਾਈ ਤੋਂ ਕਸ਼ਮੀਰ ਵਾਦੀ ਵਿੱਚ ਸ਼ੁਰੂ ਹੋਈ ਹਿੰਸਾ ਵਿੱਚ ਮਰਨ ਵਾਲਿਆਂ ਦੀ ਗਿਣਤੀ 80 ਹੋ ਗਈ ਹੈ। ਹਿੰਸਾ ਦੇ ਡਰ ਕਾਰਨ ਸ੍ਰੀਨਗਰ ਸਮੇਤ ਕਸ਼ਮੀਰ ਦੇ ਕਈ ਹਿੱਸਿਆਂ ਵਿੱਚ ਮੁੜ ਤੋਂ ਕਰਫ਼ਿਊ ਲਾਗੂ ਕਰ ਦਿੱਤਾ ਗਿਆ ਹੈ। ਮਨੁੱਖੀ ਅਧਿਕਾਰ ਕਾਰਕੁਨ ਖੁਰਰਮ ਪ੍ਰਵੇਜ਼ ਨੂੰ ਗ੍ਰਿਫ਼ਤਾਰ ਕੀਤੇ ਜਾਣ ਤੋਂ ਬਾਅਦ ਲੋਕਾਂ ਦਾ ਗੁੱਸਾ ਮੁੜ ਭੜਕ ਪਿਆ। ਪ੍ਰਵੇਜ਼ ਪਿਛਲੇ 15 ਸਾਲਾਂ ਤੋਂ ਮਨੁੱਖੀ ਅਧਿਕਾਰਾਂ ਲਈ ਲੜਾਈ ਲੜ ਰਹੇ ਹਨ। ਦੋ ਦਿਨ ਪਹਿਲਾਂ ਹੀ ਉਸ ਨੂੰ ਦਿੱਲੀ ਹਵਾਈ ਅੱਡੇ 'ਤੇ ਜਨੇਵਾ ਦੀ ਇੱਕ ਉਡਾਣ ਵਿੱਚ ਸਵਾਰ ਹੋਣ ਤੋਂ ਰੋਕ ਦਿੱਤਾ ਗਿਆ ਸੀ।

ਸੈਕਸ ਵਰਕਰ ਕਹਿਣ ‘ਤੇ ਟ੍ਰੰਪ ਦੀ ਪਤਨੀ ਨੇ ਕੀਤਾ ਕੇਸ


ਮੇਲਾਨਿਆ ਟ੍ਰੰਪ ਨੇ ਸੈਕਸ ਵਰਗ ਹੋਣ ਦਾ ਦੋਸ਼ ਲਾਉਣ ਵਾਲੇ ਇੱਕ ਬ੍ਰਿਤਾਨੀ ਅਖ਼ਬਾਰ ਅਤੇ ਅਮਰੀਕੀ  ਬਲਾਤਰ ਉਪਰ 150 ਮਿਲੀਅਨ ਡਾਲਰ ਦੀ ਮਾਣਹਾਨੀ ਦਾ ਦਾਅਵਾ ਕੀਤਾ। ‘ਦ ਡੇਲੀ ਮੇਲ’ ਨੇ ਇੱਕ ਰਿਪੋਰਟ ‘ਚ ਸੰਕੇਤ ਦਿੱਤੇ ਸਨ ਕਿ ਹੋ ਸਕਦਾ ਹੈ ਸ੍ਰੀਮਤੀ ਟ੍ਰੰਪ  ਨੇ ਨਿਊਯਾਰਕ ਵਿੱਚ ਪਾਰਟ ਟਾਈਮ ਸੈਕਸ ਵਰਕਰ ਦੇ ਤੌਰ ‘ਤੇ ਕੰਮ ਕੀਤਾ ਹੋਵੇ ਅਤੇ ਡੋਨਲਡ ਟ੍ਰੰਪ ਅਤੇ ਮੇਲਾਨਿਆ ਦੀ ਮੁਲਾਕਾਤ  ਹੁਣ ਉਨ੍ਹਾਂ ਦੇ ਼ਜ਼ਰੀਏ ਦੱਸੇ ਗਏ ਸਮੇਂ ਤੋਂ ਪਹਿਲਾਂ ਹੋਈ ਸੀ । ਬਲਾਗਰ  ਵੇਬਸ਼ਟਰ ਤਾਰਪਲੇ ਨੇ ਲਿਖਿਆ ਕਿ ਮਿਸੇਜ ਟ੍ਰੰਪ ਆਪਣੇ ਅਤੀਤ ਦੇ ਜਨਤਕ ਹੋ ਜਾਣ ਤੋਂ ਡਰੀ ਹੋਈ ਹੈ। 
ਮੇਲਾਨਿਆ ਦੇ ਵਕੀਲ ਚਾਰਲਸ  ਹਾਰਡਰ ਨੇ ਕਿਹਾ ਕਿ ਇਹ ਦਾਅਵੇ ‘ਪੂਰੀ ਤਰ੍ਹਾਂ ਨਾਲ ਝੂਠੇ’ ਹਨ।
ਹਾਰਡਰ ਨੇ ਕਿਹਾ ਕਿ  ‘ਮਿਸੇਜ ਟ੍ਰੰਪ ਦੇ ਬਾਰੇ ਜੋ ਵੀ ਬਿਆਨ ਦਿੱਤੇ ਗਏ ਹਨ ਉਹ ਸੌ ਫੀਸਦੀ ਝੂਠੇ ਹਨ ਅਤੇ ਇਹ ਬਿਆਨ ਉਸਦੇ ਵਿਅਕਤੀਤਵ  ਸਨਮਾਨ  ਨੂੰ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਾਉਣ ਵਾਲੇ ਹਨ।’
46 ਸਾਲ ਦੀ ਮੇਲਾਨਿਆ ਟ੍ਰੰਪ  ਸਲੋਵੋਨਿਆ ਵਿੱਚ ਪੈਦਾ ਹੋਈ ਸੀ ਅਤੇ ਸਾਲ 1990 ਵਿੱਚ ਇੱਕ ਮਾਡਲ ਦੇ ਤੌਰ ‘ਤੇ ਕੰਮ  ਕਰਨ ਦੇ ਲਈ ਅਮਰੀਕਾ ਆ ਗਈ ਸੀ । ਉਸਨੇ 2005 ਵਿੱਚ ਟ੍ਰੰਪ ਨਾਲ ਸ਼ਾਦੀ ਕੀਤੀ ਸੀ।
ਡੇਲੀ ਮੇਲ ਵੈਬਸਾਈਟ ਦੇ ਇੱਕ ਸਲੋਵੇਨਿਆ  ਦੀ ਮੈਗਜ਼ੀਨ ਸੂਜੀ ਵਿੱਚ ਪ੍ਰਕਾਸਿ਼ਤ ਹੋਏ ਸਨ।   ਇਸ ਵਿੱਚ ਦੱਸਿਆ ਗਿਆ ਸੀ ਕਿ ਜਿਸ ਮਾਡਲਿੰਗ ਏਜੰਸੀ ਦੇ ਲਈ  ਮਿਸੇਜ ਟੰ੍ਰਪ ਕੰਮ ਕਰਦੀ ਸੀ ਉਹ ਐਸਕਾਰਟ ਏਜੰਸੀ ਦੀ ਤਰ੍ਹਾਂ ਕੰਮ ਕਰਦੀ ਸੀ ।

ਫਲੋਰੀਡਾ ਨਾਈਟ ਕਲੱਬ ਵਿੱਚ ਫਾਇਰਿੰਗ 2 ਮੌਤਾਂ , 17 ਜ਼ਖ਼ਮੀ

ਅਮਰੀਕਾ  ਦੇ ਫਲੋਰੀਡਾ  ਦੇ ਇੱਕ ਨਾਈਟ ਕਲੱਬ  ਵਿੱਚ ਹੋਈ ਫਾਇਰਿੰਗ  ਹੋਈ ਹੈ। ਮੀਡੀਆ  ਮੁਤਾਬਿਕ   ਘੱਟੋ –ਘੱਟ  17 ਲੋਕਾਂ ਨੂੰ ਗੋਲੀ ਲੱਗੀ ਹੈ।   ਦੋ ਵਿਅਕਤੀਆਂ ਦੇ ਮਾਰੇ ਜਾਣ ਦੀ  ਪੁਸ਼ਟੀ ਹੋਈ ਹੈ ।
 

ਹਲੇਰੀ ਦੀ ਦੇਸੀ ਲੁੱਕ

ਹਾਂਗਕਾਂਗ 26 ਐਪ੍ਰਲ 2016 ( ਅ.ਸ.ਗਰੇਵਾਲ): ਜਿਥੇ ਪਿਛਲੇ ਦਿਨੀ ਅਮਰੀਕਾ ਰਾਸਟਰਪਤੀ ਦੇ ਅਹੁਦੇ ਦੀ ਦੌੜ ਵਿਚ ਸਾਮਲ ਡੋਨਲਡ ਟਰੱਫ ਭਾਰਤੀਆਂ ਦਾ ਮਜਾਕ ਉਡਾ ਰਿਹਾ ਹੀ ਉਥੇ ਹੀ ਹਲੇਰੀ ਕਲਿਨਟਨ ਦੇਸੀ ਜੇਕਟ ਵਿਚ ਦੇਸੀ ਲੱਕ ਵਿਚ ਨਜਰ ਆਈ। ਉਸ ਦੇ ਰੰਗਬਰੰਗੀ ਜਾਕਟ ਬਾਰੇ ਪਤਾ ਲੱਗਾ ਹੈ ਕਿ ਇਹ ਇਕ ਭਾਰਤੀ ਮੂਲ਼ ਦੀ ਜੂਹੀ ਕਿਲਾਚਾਦ ਨਾਮੀ ਡਜਾਇਨਰ ਨੇ ਡਜਾਇਨ ਕੀਤੀ ਹੈ। ਇਥੈ ਹੀ ਬਸ ਨਹੀ ਸਗੋ ਇਸ ਲਈ ਕੱਪੜਾ ਲੁਧਿਆਣਾ ਦੀ ਇਕ ਸਿੰਗੋਰਾ ਸਾਵਾਲ ਨਾਮੀ ਕੰਪਨੀ ਵੱਲੋ ਬਣਾਇਆ ਹੋਇਆ ਸੀ ਜਿਸ ਨੂੰ ਵਿਸੇਸੇ ਤੌਰ ਤੇ ਜੂਹੀ ਕਿਲਾਚਾਦ ਨੇ ਮੰਗਵਾਇਆ ਸੀ ।

ਪਾਕਿ ਚ ਸੌਰਨ ਸਿੰਘ ਦੀ ਮੌਤ ਖਾਰਬਾਜੀ ਦਾ ਨਤੀਜਾ

ਪਾਕਿਸਤਾਨ ਤੋ ਮਿਲੀ ਖਬਰ ਅਨੁਸਾਰ ਪੀ ਟੀ ਆਈ ( ਪਾਕਿਸਤਾਨ ਤੇਹਿਰੀਕ ਏ ਇਨਸਾਫ਼ ) ਦੇ ਲੋਕਲ ਨੇਤਾ ਬਲਦੇਵ ਕੁਮਾਰ ਨੇ ਦਸ ਲੱਖ ਦੇ ਕੇ ਕਰਵਾਈ ਡਾਕਟਰ ਸੌਰਨ ਸਿੰਘ ਦੀ ਹੱਤਿਆ ਪਾਕਿਸਤਾਨ ਦੇ ਸੂਬੇ ਖੈਬਰ ਪਖਤੂਨ ਖਵਾ ਦੇ ਕਸਬੇ ਬੁਨੇਰ ਵਿਚ ਹੋਈ ਉੱਘੇ ਸਮਾਜ ਸੇਵੀ ਅਤੇ ਸਿੱਖ ਸਿਆਸਤਦਾਨ ਡਾਕਟਰ ਸੌਰਨ ਸਿੰਘ ਦੀ ਹੱਤਿਆ ਨੇ ਇੱਕ ਨਵਾਂ ਮੋੜ ਲੈ ਲਿਆ ਹੈ | ਗ੍ਰਿਫਤਾਰ ਨੇਤਾ ਬਲਦੇਵ ਕੁਮਾਰ ਦੀ ਖਬਰ ਆਉਣ ਨਾਲ ਹਿੰਦੂ ਅਤੇ ਸਿੱਖ ਭਾਈਚਾਰੇ ਵਿਚ ਊਥਲ ਪੁਥਲ ਅਤੇ ਅਨਿਸ਼ਚਿਤਤਾ ਵਾਲਾ ਮਾਹੌਲ ਬਣ ਗਿਆ ਹੈ | ਬਲਦੇਵ ਕੁਮਾਰ ਸਵਾਤ ਤੋਂ ਇਮਰਾਨ ਖਾਨ ਦੀ ਪਾਰਟੀ ਦੇ ਕੌਂਸਲਰ ਹਨ| ਦੱਸਿਆ ਜਾਂਦਾ ਹੈ ਕਿ ਡਾਕਟਰ ਸੌਰਨ ਸਿੰਘ ਨਾਲ ਬਲਦੇਵ ਕੁਮਾਰ ਦੀ  ਖਾਰਬਾਜੀ ਵੀ ਕਾਫੀ ਸਮੇਂ ਤੋਂ ਚੱਲਦੀ ਸੀ ਜੋ ਜੱਗ ਜਾਹਿਰ ਹੈ |  ਮਾਲਾਕੰਡ ਡਵੀਜਨ ਦੇ ਵੱਡੇ ਪਿਲਸ ਅਫਸਰ ਅਜਾਦ ਖਾਂ ਨੇ ਦੱਸਿਆ ਹੈ ਕਿ ਬਲਦੇਵ ਕੁਮਾਰ ਨੇ ਤੇਹਿਰੀਕ ਏ ਤਾਲਿਬਾਨ ਪਾਕਿਸਤਾਨ ਨੂੰ ਕਤਲ ਵਾਸਤੇ ਦਸ ਲੱਖ ਰੁਪੈ ਦਿੱਤੇ ਨੇ , ਪ੍ਰੰਤੂ ਆਮ ਹਿੰਦੂ ਅਤੇ ਸਿਖ ਭਾਈਚਾਰੇ ਵਿਚ ਅਫਵਾਹਾਂ ਦਾ ਬਜਾਰ ਵੀ ਕਾਫੀ ਗਰਮ ਹੈ| ਇਸ ਲਈ ਹਾਲੇ ਕਿਸੇ ਵੀ ਸਿੱਟੇ ਤੇ ਪਹੁੰਚਣਾ ਮੁਨਾਸਿਬ ਨਹੀ ਹੋਵੇਗਾ , ਡੀ ਆਈ ਜੀ ਮਾਲਾਕੰਡ ਖਾਨ ਮਾਮਲੇ ਦੀ ਛਾਣਬੀਣ ਕਰ ਰਹੇ ਹਨ|

ਪਾਕਿ ਮਾਡਲ ਕੰਦੀਲ ਫਿਰ ਸੁਰਖੀਆਂ ਚ


20-20 ਸੰਸਾਰ ਕੱਪ ਤਾਂ ਕਦੋਂ ਦਾ ਖਤਮ ਹੋ ਗਿਆ ਹੈ| ਜਦੋਂ ਇੱਕ ਪਾਸੇ ਖਿਡਾਰੀ ਚੌਕੇ-ਛੱਕੇ ਲਗਾ ਕੇ ਸੁਰਖੀਆਂ ਬਟੋਰ ਰਹੇ ਸਨ ਅਤੇ ਦੂਜੇ ਪਾਸੇ ਇੱਕ ਪਾਕਿ ਮਾਡਲ ਆਪਣੇ ਤਮਾਸ਼ੇ ਨਾਲ ਸੁਰਖੀਆਂ 'ਚ ਬਣੀ ਹੋਈ ਸੀ| ਪਾਕਿ ਮਾਡਲ ਕੰਦੀਲ ਬਲੋਚ ਟੀ-20 ਵਿਸ਼ਵ ਕੱਪ ਖਤਮ ਹੋਣ ਤੋਂ ਬਾਅਦ ਕੁਝ ਦਿਨ ਤਕ ਸੋਸ਼ਲ ਮੀਡੀਆ ਤੋਂ ਗਾਇਬ ਹੋ ਗਈ ਸੀ| ਪਰ ਜਿਵੇਂ ਹੀ ੦੍ਹ: ਸ਼ੁਰੂ ਹੋਇਆ ਤਾਂ ਨਾਲ ਹੀ ਸ਼ੁਰੂ ਹੋ ਗਿਆ ਕੰਦੀਲ ਬਲੋਚ ਦਾ ਤਮਾਸ਼ਾ| ਕੰਦੀਲ ਬਲੋਚ ਨੇ ਇੱਕ ਵਾਰ ਫਿਰ ਤੋਂ ਆਪਣਾ ਜਲਵਾ ਵਿਖਾਇਆ ਹੈ ਅਤੇ ਸੋਸ਼ਲ ਮੀਡੀਆ 'ਤੇ ਸੁਰਖੀਆਂ ਬਟੋਰ ਰਹੀ ਹੈ| ਕੰਦੀਲ ਬਲੋਚ ਨੇ ਬਾਲੀਵੁੱਡ ਦੇ ਕਿੰਗ ਖਾਨ ਅਤੇ ਕੋਲਕਾਤਾ ਨਾਇਟ ਰਾਈਡਰਸ ਦੀ ਟੀਮ ਲਈ ਇੱਕ ਟਵੀਟ ਕੀਤਾ ਹੈ ਅਤੇ ਨਾਲ ਹੀ ਇੱਕ ਵੀਡੀਓ ਮੈਸੇਜ ਵੀ ਭੇਜਿਆ ਹੈ| ਕੰਦੀਲ ਬਲੋਚ ਨੇ ਆਪਣੇ ਇਸ ਵੀਡੀਓ 'ਚ ਹਾਟ ਅੰਦਾਜ਼ ਤਾਂ ਵਿਖਾਇਆ ਹੀ ਹੈ ਪਰ ਨਾਲ ਹੀ ਕੁਝ ਮੌਕਿਆਂ 'ਤੇ ਗਲਤ ਭਾਸ਼ਾ ਦਾ ਇਸਤੇਮਾਲ ਵੀ ਕੀਤਾ ਹੈ ਅਤੇ ਆਪਣੇ ਟਵੀਟ 'ਚ ਕਿੰਗ ਖਾਨ ਦੀ ਟੀਮ ਦੀ ਜਿੱਤ ਦੀ ਆਸ ਜਤਾਈ ਹੈ| ਨਾਲ ਹੀ ਇਹ ਵੀ ਕਿਹਾ ਕਿ ਜੇਕਰ ਕੋਲਕਾਤਾ ਦੀ ਟੀਮ ਜਿੱਤ ਦਰਜ ਕਰਦੀ ਹੈ ਤਾਂ ਓਹ ਕੁਝ ਅਜਿਹਾ ਕਰੇਗੀ ਕਿ ਲੋਕ ਹੈਰਾਨ ਰਹਿ ਜਾਣਗੇ|

ਦੁਨੀਆ ਦਾ ਸਭ ਤੋ ਲੰਮੀ ਫਿਲਮ

ਹਾਂਗਕਾਂਗ 25 ਅਪ੍ਰੈਲ 2016 ( ਅਮਰਜੀਤ ਸਿੰਘ ਗਰੇਵਾਲ): ਕੀ ਤੁਸੀ ਅੰਦਾਜਾ ਲਗਾ ਸਕਦੇ ਹੋ ਕਿ ਇਕ ਫਿਲਮ ਕਿੰਨੀ ਲੰਮੀ ਹੋ ਸਕਦੀ ਹੈ? 4 ਘੰਟੇ 8 ਘੰਟੇ ਜਾਂ 10 ਘੰਟੇ, ਜੀ ਨਹੀਂ । ਤੁਹਾਨੂੰ ਹੈਰਾਨੀ ਹੋਵੇਗੀ ਕਿ 13 ਦਸੰਬਰ 2020 ਨੂੰ ਰਲੀਜ਼ ਹੋਣ ਵਾਲੀ ਇਸ ਫਿਲਮ ਦਾ ਟਰੇਲਰ ਹੀ 7 ਘੰਟੇ 20 ਮਿੰਟ ਲੰਮਾ ਹੈ ਤੇ ਪੂਰੀ ਫਿਲਮ 720 ਘੰਟੇ ਦੀ ਹੋਵੇਗੀ। ਐਮਬੀਅਸ ( Ambiancé ) ਨਾਮੀ ਇਸ ਫਿਲਮ ਨੂੰ ਸਟੀਵਡਨ ਦਾ ਇਕ ਵਿਅਕਤੀ ਬਣਾ ਰਿਹਾ ਹੈ। ਉਸ ਦੇ ਦੱਸਣ ਅਨੁਸਾਰ ਇਸ ਫਿਲਮ ਨੂੰ ਇਕ ਟੇਕ ਵਿਚ ਹੀ ਫਿਲਮਾਇਆ ਜਾਣਾ ਹੇੈ ਭਾਵ ਇਸ ਫਿਲਮ ਵਿਚ ਕੋਈ ਕੱਟ ਆਦਿ ਨਹੀ ਲਾਏ ਜਾਣਗੇ। ਇਸ ਫਿਲਮ ਵਿਚ ਸਿਰਫ 2 ਹੀ ਕਰੈਕਟਰ ਹਨ ਜੋ ਕਿ ਬੀਚ ਕੰਢੇ ਮਿਲਦੇ ਹਨ ਤੇ ਸਾਰੀ ਫਿਲ਼ਮ ਇਥੇ ਹੀ ਪੂਰੀ ਕੀਤੀ ਗਈ ਹੈ। ਇਸ ਦਾ ਦੂਜਾ ਟਰੇਲਰ ਸਨ 2018 ਵਿਚ ਜਾਰੀ ਕਰਨ ਦੀ ਯੋਜਨਾ ਹੈ । ਇਸ ਦੇ ਨਿਰਮਾਤਾ ਨੇ ਇਹ ਵੀ ਐਲਾਨ ਕੀਤਾ ਜਾਵੇਗਾ ਕਿ ਇਸ ਫਿਲਮ ਨੂੰ ਸਾਰੀ ਦੁਨੀਆ ਵਿੱਚ ਰਲੀਜ ਕੀਤਾ ਜਾਵੇਗਾ ਤੇ ਜਦ ਸਾਰੀ ਦੁਨੀਆ ਨੇ ਇਸ ਨੂੰ ਦੇਖ ਲਿਆ ਤਾ ਇਸ ਦੀ ਇਕੋ ਇਕ ਕਾਪੀ ਨੂੰ ਨਸਟ ਕਰ ਦਿਤਾ ਜਾਵੇਗਾ ਤਾਂ ਜੋ ਇਸ ਨੂੰ ‘ਸਭ ਤੋ ਲੰਮੀ ਫਿਲਮ, ਜੋ ਹੁਣ ਮੌਜੂਦ ਨਹੀ ਹੈ’ ਹੋਣ ਦਾ ਮਾਣ ਬਣਿਆ ਰਹੇਗਾ। ਇਹ ਵੀ ਜਿਕਰਯੋਗ ਹੈ ਕਿ ਜਾਰੀ ਕੀਤੇ ਇਸ 7 ਘੰਟੇ 20 ਮਿੰਟ ਦੇ ਟਰੇਲਰ ਵਿਚ ਇਕ ਵੀ ਡਾਇਲਾਗ ਨਹੀਂ ਸਗੋ ਸਭ ਸੰਗੀਤ ਹੀ ਹੈ। ਇਸ ਫਿਲਮ ਦਾ ਟਰੇਲਰ ਯੂਟਿਊਬ ਤੋ ਮੌਜੂਦ ਹੈ: https://www.youtube.com/watch?v=RLevgVmZ8rE

ਪਾਕਿਸਤਾਨ ਗੁਰੂਦਵਾਰੇ ਵਿਚੋਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਪਾਵਨ ਸਰੂਪ ਦੀ ਚੋਰੀ

ਪਾਕਿਸਤਾਨ ਦੇ ਬਲੋਚਿਸਤਾਨ ਵਿਚ ਸਿੰਧੀ ਬਿਰਾਦਰੀ ਦੇ ਗੁਰਦਵਾਰੇ ਵਿਚੋਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਚੋਰੀ ਹੋਣ ਦੀ ਘਟਨਾ ਸਾਹਮਣੇ ਆਈ |  ਪ੍ਰਸਿੱਧ ਖੋਜਕਾਰ ਸੁਰਿੰਦਰ ਕੋਛੜ ਦੁਆਰਾ ਦਿੱਤੀ ਜਾਣਕਾਰੀ ਅਨੁਸਾਰ ਬਲੋਚਿਸਤਾਨ ਦੇ ਜਿਲਾ ਕੱਚੀ ਦੇ ਪਿੰਡ ਹਾਜੀ ਸ਼ਹਿਰ ਵਿੱਚ ਸਿੰਧੀ ਬਿਰਾਦਰੀ ਦੇ ਗੁਰਦਵਾਰੇ ਵਿਚੋਂ ਸ਼੍ਰੀ ਗੁਰੂ ਗ੍ਰੰਥ ਸਾਹਿਬ ਦੇ ਸਰੂਪ ਚੋਰੀ ਹੋ ਗਿਆ ਹੈ ਅਤੇ ਚੋਰ ਸਾਰਾ ਸਮਾਨ ਜਿਸ ਵਿੱਚ ਚੌਰ ਸਾਹਿਬ , ਜੋਤ ਵਾਲਾ ਸਮਾਨ  ਅਤੇ ਹੋਰ ਸਮਾਨ ਵੀ  ਲੈ ਗਏ ਹਨ | ਧਿਆਨਯੋਗ ਹੈ ਕਿ  ਇਸ ਸਥਾਨ ਤੇ ਹਿੰਦੂ ਸਿੰਧੀ ਬਿਰਾਦਰੀ ਵੱਲੋਂ ਹੀ ਸੇਵਾ ਕੀਤੀ ਜਾਂਦੀ ਹੈ |  ਕੱਚੀ ਜਿਲੇ ਦੇ ਹਿੰਦੂ ਵਪਾਰੀਆਂ ਨੇ ਰੋਸ ਵਜੋਂ ਅੱਜ ਬਜਾਰ ਬੰਦ ਰੱਖੇ ਗਏ ਅਤੇ ਰੋਸ ਮਾਰਚ ਵੀ ਕੱਢਿੱਆ ਗਿਆ| ਸਥਾਨਕ ਪੁਲੀਸ ਨੂੰ ਘਟਨਾ ਦੀ ਇਤਲਾਹ ਦੇ ਦਿੱਤੀ ਗਈ ਹੈ ਪਰ ਅਜੇ ਤੱਕ ਕਿਸੇ ਗ੍ਰਿਫਤਾਰੀ ਦੀ ਕੋਈ ਖਬਰ ਨਹੀਂ ਹੈ |

ਆਕਲੈਂਡ ਇੰਟਰਨੈਸ਼ਨਲ ਏਅਰਪੋਰਟ ਉਤੇ ਗਲਤ ਅਲਾਰਮ ਵੱਜਣ ਨਾਲ ਫਲਾਈਟਾਂ ਰੁਕੀਆਂ-ਥੋੜੇ ਸਮੇਂ ਬਾਅਦ ਫਿਰ ਬਹਾਲ

ਆਕਲੈਂਡ-4 ਅਪ੍ਰੈਲ (ਹਰਜਿੰਦਰ ਸਿੰਘ ਬਸਿਆਲਾ)-ਆਕਲੈਂਡ ਇੰਟਰਨੈਸ਼ਨਲ ਏਅਰਪੋਰਟ ਉਤੇ ਅੱਜ ਸ਼ਾਮ 7 ਕੁ ਵਜੇ ਗਲਤ ਧੂੰਆ ਅਲਾਰਮ ਵੱਜਣ ਕਾਰਨ ਹਫਰਾ-ਤਫਰਾ ਪੈ ਗਈ। ਏਅਰਪੋਰਟ ਦੇ ਬਹੁਤ ਸਾਰੇ ਹਿੱਸਿਆਂ ਨੂੰ ਜਿੱਥੇ ਖਾਲੀ ਕਰਵਾ ਲਿਆ ਗਿਆ ਉਤੇ ਕੁਝ ਸਮੇਂ ਲਈ ਫਲਾਈਟਾਂ ਵੀ ਰੁਕ ਗਈਆਂ। ਜਹਾਜ਼ਾਂ ਦੇ ਵਿਚ ਸਵਾਰੀਆਂ ਚੜ੍ਹਾਉਣੀਆਂ ਬੰਦ ਕਰ ਦਿੱਤੀਆਂ ਗਈਆਂ ਅਤੇ ਜਾਂਚ ਪੜ੍ਹਤਾਲ ਸ਼ੁਰੂ ਕੀਤੀ ਗਈ। ਥੋੜ੍ਹੇ ਸਮੇਂ ਬਾਅਦ ਪਾਇਆ ਗਿਆ ਕਿ ਅਲਾਰਮ ਗਲਤ ਵੱਜ ਗਿਆ। ਇਸ ਤੋਂ ਬਾਅਦ ਸਾਰੀਆਂ ਸੇਵਾਵਾਂ ਮੁੜ ਤੋਂ ਬਹਾਲ ਕੀਤੀਆਂ ਗਈਆਂ। ਇਸ ਗਲਤ ਅਲਾਰਮ ਦਾ ਕਾਰਨ ਉਪਕਰਨ ਦੇ ਵਿਚ ਨੁਕਸ ਪੈਣਾ ਦੱਸਿਆ ਗਿਆ ਹੈ। ਬਹੁਤ ਸਾਰੇ ਲੋਕ ਸ਼ਸ਼ੋਪੰਜ ਦੇ ਵਿਚ ਫਸੇ ਰਹੇ ਕਿਉਂਕਿ ਸਾਰੇ ਗੇਟ ਆਦਿ ਬੰਦ ਕਰ ਦਿੱਤੇ ਗਏ ਸਨ ਅਤੇ ਸਾਰਿਆਂ ਨੂੰ ਸੁਰੱਖਿਅਤ ਰੱਖਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ।

Copyright © 2012 Calgary Indians All rights reserved. Terms & Conditions Privacy Policy